Read Alur Jugalatia 5 Bible Online

Jugalatia 5 - Alur bible

Jugalatia 5

¹Pir agonya Kristu gonyowa: wucung ki ki ki kumeno, man kud wudok wutwiru kendo i mberembere mi ng’eca.

²Nen, an a Paolo abeyero iwu, nia, tek jutimo yaa i kumwu Kristu biloko iwu gin moko ngo.

³Eyo, atuco kendo ni dhanu kubang’gi nzu ma jutimo yaa i kumgi, nia gi jubanja mi timo cik kpo.

⁴Wukoc ku Kristu, wun ma wuyenyo lembe m’i wiwu gonjre ku cik; wukiewo ku bero.

⁵Kum wan ni kum Tipo ku yioyic wabekuro genogen mi bedopwe.

⁶Kum i Kristu Yesu yaa loko gin moko ngo, kadok yaango bende; ento yioyic re m’ubetimbre ni kum mer.

⁷Naka wuberingo dre; ng’a m’ucerowu kara kud wuwor lemandha?

⁸Lembacung’a ma eni ai ba ng’atu m’ulwong’owu ngp.

⁹Thobi ma nyanok romo i kwen ceke.

¹⁰Abedo m’ageno Rwoth piwu, nia wubibedo ku pidoic ma tung’ ungo: ento ng’atu m’ubesendowu biyeyo lembapoka pare, en e ng’atu ma tek enuti.

¹¹Ento an, umego, tek fodi abeyero lembyaa asu, ka ke jubenyayu ragedo i kuma asu nedi? cudho mi kier mi yen m’athara ulund ukadhu woko.

¹²Ayenyo nia ju m’uketho cwinywu beringo rr gjthumbri gigi.

¹³Kum wun, umego, julwong’owu mi gony; endre gony mu kud udwokwu yaca kum lembe mi kum, ento ni kum mer ma jumari ko dong’ wubed jutic mi juwedwu man ni wadi man ni wadi,

¹⁴Kum cik kpo timbre kakare i lembe acel, ndhu i maeni: Ibimaru wedu calu imefi giri.

¹⁵Ento tek wukeiru man wucembru, e wubed ku weng’wu ba wumaru mwonjru.

¹⁶Ento awacu kumae, Wuwoth ku Tipo, e wubiketho awanya ma rac mi kum timbre kakare ngo.

¹⁷Kum kum bedo ku kumira kum Tipo, Tipo ke kum kum; kum maeni gi tung’ tung’ ku wadi; kara kud wutim gin ma wuyenyo wutim.

¹⁸Ento tek Tipo bepeyowu en, nwang’u wuni the cik ungo.

¹⁹Nie tic mi kum ginyuthri, ma gi eni: tarwang’, ku sasa, kud awanya ma rac,

²⁰ku rwo ni ayi gin m’acwia, kud ajoga ma jutimo, kud adegi, ku por, ku ngiri, ku kwinyo, kud ali, ku pokri, ku yic ma tung’ tung’,

²¹ku kumira, ku mer ma jumer ko ku kong’o, ku miel ma rac, ku wagi gin ma kumeno de; alar apoyowu pi maeni, cil calu yang’ akoapoyowu, nia ju m’ucikutimo wagi gin ma kumeni gibicamu pacu mi ker pa Mungu ngo.

²²Ento nying’ Tipo en e mer, ku mutoro, ku kwiocwiny, ku mwonyolembe hai, ku bedo ber ku dhanu, ku berocwiny, ku bedo mandha,

²³ko molcwiny, ku kwerigyo, cik umbe kum wagi gin maeni.

²⁴Man ju ma gi pa Kristu Yesu giguro kum kud avane man awanya ma racne de kor yen m’athara.

²⁵Tek wabedo ni kum Tipo, dong’ wawothu bende ni kum Tipo.

²⁶Ku wayeny yung ma juyung kowa mananu, ma wasend ko juwadwa ma nia ng’atm man usend wadi man usend wadi, ma kumira de negwa kum juwadwa man kum wadi man kum wadi.