Read Alur Jugalatia 6 Bible Online

Jugalatia 6 - Alur bible

Jugalatia 6

¹Umego, tek junwang’u ng’atu moko i kier moko, wun ma wu weg tipo, wulok ng’atu ma kumeni ku cwiny mi bedoyo; m’ibedo giri ku weng’i bende, abidhe maru nwang’u in bende.

²Wuyei ter mi juwedwu man pa wadi man pa wadi, e wuketh cik pa Kristu timbre kakare kumeno.

³Kum tek ng’atu moko ie wacu ya en e m’e en, ma en ke k’e gin moko ngo, meca ewondre gire.

⁴Ento dong’ ng’atuman ukor i tic pare cu, e kulula bilund nege i kume gire kende, man kum wadi re ngo.

⁵Kum dhanu ceke ng’atuman biyeyo ter pare gire.

⁶Ento dong’ ng’atu ma juponje ku lembe eribre ku ng’atu m’uponje i gin ceke ma ber.

⁷Kud wuwondru giwu; jucopo cayu Mungu ngo: kum gin ma tek ng’atu moko coyo, gica ebikayu bende,

⁸Kum ng’atu m’ucoyo i kume gire ebikayu top mi kum; ento ng’atu m’ucoyo i Tipo re ebikayu kwo ma rondo ku rpndo ba Tipo.

⁹Man ku waol ku timo tic ma ber: kum ka kakare tundo wabikayp, tek wavoc ungo.

¹⁰Kum kumeno, ka fodi kakare nuti iwa, dong’ watim ber ni dhanu ceke, endre ma dhenp re ni juot mi yioyic.

¹¹Wunen maram agoro ko iwu ku mege thplembe ma dongo no gira ku cinga.

¹²Dhanu ceke ma giyenyo ginyuth berokum, gicung’owu y a jutim yaa i kumwu; ndhu kara ku junyaj ragedo i kumgi kum lembe mi yen m’athara pa Kristu.

¹³Kum cil ju ma gijolo yaa giworo cik ungo; ento giyenyo jutim yaa i kumwu, kara giluli i kumwu.

¹⁴Ento ayenyo ya kud alula, ento kum yen m’athara pa Rwoth mwa ma Yesu Kristu kende, ma ng’om ubedo agura ira ni kume, an de ni ng’om.

¹⁵Kum yaa en e gin moko ngo, kadi yaango bende, ento ng’atu ma nyen re.

¹⁶Dhanu ceke ma gibiwotho ku cik maeni, dong’ kwiocwiny ubed i wigi, ku kisa de, man wi Israel pa Mungu.

¹⁷Ugambre kawono cil macen ng’atu moko kud unyai can i ia; kum acoko poyo pa Yesu ma junyayu i kuma.

¹⁸Bero pa Rwoth mwa Yesu Kristu ubed ku cwinywu, umego. Amen.