Read Alur Jufilipi 2 Bible Online

Jufilipi 2 - Alur bible

Jufilipi 2

¹Ka kumeno tek juk moko nuti i Kristu, tek thokothok moko mi mer de nuti, tek ripocwiny moko mi Tipo nuti, tek kisa ma ng’ic ku ngisi moko nuti,

²wuketh mutoro para pong’ kara pidoiwu bed calacel, ma wubedo ku mer ma calacel, ma wubedo ku cwinywu de m’uripo acel, ku pidoiwu de acel;

³ma wubetimo gin moko ngo kud ali kadok ku kulula mananu, ento ku pidoic ma mol wek ng’atuman ie pid ya wadi ber ma sagu en;

⁴ma wun kubeng’wu kubeng’wu ng’atuman ie ku pido kum piny pare kende ngo, ento ng’atuman ie pid kum piny mi juwadi bende.

⁵Dong’ pidoic maeni e m’ubed i iwu, ma yang’ ubedo i Kristu Yesu bende:

⁶en, ma nwang’u e Mungu ku kite ngi, kud i wang’e bedo ma jubedo ko ro ku Mungu en e gin ma juketho cwiny i kume ngo kara jubed ndhu kude,

⁷ento ewenjre gire, edong’ egamu kum ng’eca re, e edoko ni ayi dhanu;

⁸e kan enwangre i ayi mi dhanu, e ejwigre gire, edoko jaworo cil mi tho ngi, eyo, tho mi yen m’athara.

⁹Kum kumeno bende Mungu dode dit apila, man emio ire nying’ ma sagu nying’ ceke;

¹⁰kara i nying’ Yesu cong ceke rum, m’i polo ku m’i ng’om ku ma the ng’om,

¹¹man kara leb ceke kubang’gi kubang’gi ubin utuc nia Yesu Kristu en e Rwoth, ni dwong’ pa Mungu ma Wego.

¹²Kum kumeno, jumerna, cil calu wubeduworo thiri thiri, calu i vuta kende ngo, ento kawono m’usagu dit m’ambe, wutim tic mi both mu giwu ku lworo ku mielkum;

¹³kum en e Mungu m’etimo i iwu ku yenyo ku timo bende, ni kum mutoro pare.

¹⁴Wutim gin ceke umbe ng’ ur umbe piem de;

¹⁵kara wubed ma lembe mbe iwiwuwubed mol de, nyithindho pa Mungu ma poyo de mbe i kind dhanum’utuk m’ugondri ma gi juco de, ma kud i kind joca wubenen calu der i ng’om,

¹⁶ma wubethiero lembe mi kwo; kara abed ku gin moko m’abin alula i kume i ceng’ pa Kristu, ya aringo mananu ngo kadi amula ku tic de mananu ngo.

¹⁷Eyo, man tek jubekonja wi lam man wi tic mi yioyic mu, e anyong’a benega, man anyong’a benega wakudu ceke:

¹⁸man ke wun bende anyong’a benegowu kumeno, man anyong’a negwu wakudu.

¹⁹Ento ageno i Rwoth Yesu ya fodi nyanok abioro Timoteo i beng’wu, kara an bende cwinya jukre kinde m’ang’eyo rama wubedo ko.

²⁰Kum ng’atu moko mbe i bang’a ma pidoie calu para, ma ie pido piwu andha.

²¹Kum gin ceke gibeyenyo gin migi gigi, gin pa Yesu Kristu re ngo.

²²Ento wung’eyo maram pire nyuthre ko, nia, calu nyathin konyo won, en bende ekonya kumeca ku nyayu lembanyong’a ma juboth ko.

²³Ka kumeno ageno y a abiore i beng’wu kawono, kinde m’aneno rama lembe para bitimbre ko:

²⁴endre ageno i Rwoth nia an bende ku kita abibino nyakawono.

²⁵Ento akwanu nia emaku piny ya aor Epafrodito m’umira i beng’wu ma wa jutic wakude, wan asikari de wakude, man jakwenda mu m’e jakony mi can m’unega;

²⁶kum ava wu kewu ceke nege dit, man cwinye dieng’ dit, kum wuwinjo nia kume lith:

²⁷kum andha kume make m’uye nyo nege anega: ento Mungu timo ku kisa i kume; man i kume kende ngo, ento i kuma bende, kara kud anwang’ can wi can wagi.

²⁸Ka kumeno aore nyadwedwe ma sagu, kara, ka wunene kendo anyong’a negwu, man ke kara can para dok nok.

²⁹Wujole kumeno i Rwoth ku mutoro ceke; e wuyung wagi dhanu ma kumeno:

³⁰kum evotho pi tic pa Kristu, m’ekuno kume kara eketh tic mu ma ira m’urem urom kakare.