Read Alur Jukolosai 1 Bible Online

Jukolosai 1 - Alur bible

Jukolosai 1

¹Paolo, jakwenda pa Kristu Yesu ni kum yeny ma Mungu yenyo, man Timoteo m’umegwa,

²ni jumaleng’ man umego mandjia i Kristu ma gini i Kolosai: Bero iwu man kwiocwiny m’uai ba Mungu ma Wegwa.

³Wafoyo Mungu ma Won Rwoth mwa Yesu Kristu, ma warwo ko thiri thiri piwu,

⁴ma wadaru winjo pi yioyic mu i Kristu Yesu, man pi mer mu ma wubedo ko yo ba jumaleng’ ceke,

⁵kum genogen ma jukanu iwu i polo, ma wular wuwinjo pire i lembe mi lemandha mi lembanyong’a ma juboth ko,

⁶m’uwok i beng’wu: cil calu ebedo i ng’om ceke bende m’ecego nyinge man ecikumedre, calu ma i iwu bende, ugambre i ceng’ ma wuwinjo wung’eyo de bero pa Mungu i lemandha;

⁷cil calu wugamu ng’eyo con bang’ Epafra ma en e jatic wadwa ma jamer mwa, m’e jatic mandha pa Kristu piwa,

⁸m’eyero iwa pi mer mu bende ma i Tipo.

⁹Kum lembe nini wan bende, ugambre i ceng’ ma wawinjo, waweko ki ngo nirwo ku kwayu kwac piwu, kara ng’eyong’ec mi yeny ma ie yenyo uromwu i rieko ceke ku ng’eyong’ec mi tipo bende,

¹⁰kara wuwoth calu m’uromo ku Rwoth ma wubenyayu ko mutoro kwa, ku cego nyingwu i tic ma ber ceke kubang’gi kubang’gi, ku teng’ni i ng’eyong’ec pa Mungu;

¹¹ma wudoko tek ku tego ceke, calku tek mi dwong’ pare, ni twiocwiny ceke ku mwonyolembe ma jumwonyo hai ku mutoro:

¹²ma wubefoyo ko Wegp, m’udwokowa dre ni jurib mi camupacu mi jumaleng’ i der;

¹³m’elaruwa kud i tego mi mudho, man elokowa i ker pa Wode mi mer pare;

¹⁴ma wanwang’u war ma juwaru kowa ni kume, ni wek mi dubo mwa:

¹⁵ma en e ayi Mungu ma nen ungo, kayu mi giracwia ceke pa Mungu;

¹⁶kum gin ceke cwire ni kume, ma pi i polo ku ma wi ng’om bende, gin ma nen ku gin ma nen ungo bende, kadok komker kadi kero kadi ker kadi tego; gin ceke cwire ni kume, pire bende;

¹⁷man en e kwong’a mi gin ceke, man gin ceke de bedo karacelo ni kume.

¹⁸Man en e wie mi kum, ma en e kanisa: ma en e thangambere, en e kayu mi cer ma kud i kind ju m’utho; kara ebed jawipiro i gin ceke.

¹⁹Kum ebedo ber ni Wego ya pong’ mi gin ceke bed i ie;

²⁰ya ekwi gin ceke ire gire, m’edaru timo kwiocwiny ni kum rimo mi yen m’athara pare; ni kume, awacu, kadok gin ma wi ng’om, kadi gin ma ni i polo.

²¹Wun de, ma naka wukoc tung’ wu jukwor de i pidoiwu i tic ma rac mu,

²²ento kawono re dong’ ekwiowu i kum mi ring’kume ni kum tho, kara ethierwu i wang’e gire ma wu leng’ ma poyo de mbe adote de mbe:

²³tek ebedo kumeno ya wubed i yioyic, ma ulegwu nyang’ ucungo tek de, ma wukucoro cen ungo kum genogen mi lembanyong’a ma juboth ko ma wuwinjo, ma juyero i giracwia pa Mungu ceke the polo; ma an a Paolo judwpka ni jatije.

²⁴Nie anyong’a nega i masendi m’asendra ko piwu, man appng’o gin maka para mi masendi pa Kristu m’urem i ring’kuma pi kume, ma en e kanisa;

²⁵ma juketha ni jatije, calku tic mi pokopok pa Mungu ma jumio ira piwu, kara aketh lembe pa Mungu timbre kakare,

²⁶cil giramung’a m’ugamu pandre por con ku ba dhanu m’ucikutuk de: ento kawono dong’ junyuthe ni jumaleng’ pare,

²⁷e ebedo ber ni Mungu ya eketh ging’ei karamb lonyo mi dwong’ mi giramung’a maeni i kind Thekdhanumange, ma en e Kristu i iwu, genogen mi dwong’:

²⁸ma wayero pire, wacikujuko ko dhanu kubang’gi kubang’gi man waeikuponjo ko dhanu kubang’gi kubang’gi i rieko ceke, kara wathier dhanu kubang’gi kubang’gi ma gibedo ndhu cu i Kristu;

²⁹e amula ku tic bende pi eni, m’abeii ko aiia calku tim m’ebetimo, m’ubetimo i ia ma tek.