Read Alur 1 Jutesaloniki 2 Bible Online

1 Jutesaloniki 2 - Alur bible

1 Jutesaloniki 2

¹Kum wun giwu, umego, wung’eyo mondo mwa m’i beng’wu, ya junwang’u ebedo mananu ngo:

²ento wan ma walar wasendra man jutimowa rac dit, calu wung’eyo, i Filipi, cwinywa doko tek i Mungu mwa ma wayero ko iwu lembanyong’a ma juboth ko pa Mungu ma waii ko aiia.

³Kum juk mwa en e mi ndra ngo, kadi mi sasa de ngo, kadi i abombi de ngo:

⁴ento cil calu Mungu ufoyo ya wagwok lembanyong’a ma juboth ko, kumeno wayero; calu ma nyayu mutoro i dhanu ngo, ento ma nyayu mutoro i Mungu m’umulo adundewa.

⁵Kum nindo moko junwang’u watimo lembe mi pak mananu ngo, calu wung’eyo, kadi ku jambomb mi ketho cwiny hai kum piny de ngo, Mungu en e jamulembe;

⁶kadi wabeyenyo dwong’ mi dhanu de ngo, kadok m’uai i beng’wu kadi ba jumange de, nwang’u wacopo wacu y a wa weg ng’ol calu jukwenda pa Kristu.

⁷Ento wabedo yo i kindwu, calu ka japidi bepido nyithindho pare ma dhe:

⁸cil kumeno, wan ma waketho cwinywa i kumwu ku mer, ebedo ni mutoro ma dit iwa ya wami iwu, lembanyong’a ma juboth ko pa Mungu kende ngo, ento kwo mwa bende, kum wudoko ju ma kacwinywa.

⁹Kum wupoi, umego, pi tic ma wamula ko ku sendri: ma wabewatimo diewor ku dieceng’, kara ku wanur kindwu moko, wayero iwu lembanyong’a ma juboth ko pa Mungu.

¹⁰Wun wu jumulembe, ku Mungu bende, maram watimbra ko leng’, man pwe, man umbe adote iwu wu ju m’uyio:

¹¹calu wung’ eyo maram watimo ko iwu kubeng’wu kubeng’wu, calu wego timo ni nyithindhe ma dhe, ma wabewajukowu, wabewapiko lembe i iwu, wabewatuco de,

¹²kara nia wuwoth calu uromo ku Mungu, m’elwong’owu i ker pare gire man i dwong’.

¹³Man pi lembe nini wafoyo Mungu areri, nia, ka wujolo lembe mi kwenda i bang’wa, ndhu lem pa Mungu, wujole calu en e lembe mi dhanu ngo, ento, calu ebedo andha, lembe pa Mungu, m’etimo bende i iwu wu ju m’uyio.

¹⁴Kum wun, umego, wudoko jupor mi kanisa pa Mungu ma gini i Kristu Yesu i Yahudi: kum wun bende wusendru ku gin ma cal cal ni juthu, cil calu joca ke ni Juyahudi;

¹⁵ma ginego Rwoth Yesu ku jubila, giriemo wan de woko, ginyayu mutoro ngo i Mungu, man gi tung’ ku dhanu ceke;

¹⁶gikwero ya ku wayer ni Thekdhanumange kara gibothi; kara gipong’ dubo migi thiri thiri: ento kwinyo wok i wigi cil i kajikne.

¹⁷Ento wan, umego, ma jupokowa wakudu mi nindo ma nyanok, mi nendri ku wang’ kud adunde re ngo, waponjo apila ma sagu ya wanen weng’wu kud amora ma dit:

¹⁸kum nwang’u wayenyo dit wabin i beng’wu, an a Paolo wang’ acel man kendo; e Jok ucerowa.

¹⁹Kum genogen mwa en e ang’o, kadi anyong’a mwa, kadi jamkermi wic mwa mi kulula? Ndhu wun ungo, i wang’ Rwoth mwa ma Yesu i bino pare?

²⁰Kum wun wu dwong’ mwa man mutoro mwa.