Read Alur Yocuwa 16 Bible Online

Yocuwa 16 - Alur bible

Yocuwa 16

¹Man gagi wodhre pi nyithindho pa Yusuf ugambre kum Yordan i Yeriko, kum pi mi Yeriko yo nyangu, ma en e yamba, ma idho malu kud i Yeriko kind ng’om gudi cil kum Beth-el;

²man ewodhre kud i Beth-el cil kum Luz, man ekadhu cil kum kieu mi Juarki utundo Ataroth;

³man eloro yo reto cil kum kieu mi Jafleti, cil kum kieu mi Beth-horon ma piny, cil kum Gezer; man kawokne en e dhu nam.

⁴Man nyithindho pa Yusuf, en e Manase kud Efraim, gimaku aba migi.

⁵Man kieu mi nyithindho pa Efraim calku wat migi bedo kumeni: kieu mir aba migi yo nyangu en e Ataroth-adar, cil kum Beth-horon ma malu;

⁶man kieu wodhre yo reto ku ba Mikmethath yor ariwa ma malu; e kieu dhokre yo nyangu cil kum Tanath-cilo, man ekadhu yo nyangu ni Yanoa;

⁷man eloro ku i Yanoa cil kum Ataroth, man kum Nara, man etundo kum Yeriko, man ejik i Yordan.

⁸Ugambre Tapua kieu cidho yo reto cil kum kulo mi Kana; man kawokne en e dhu nam. Maeni en e aba mi suru mi nyithindho pa Efraim calku wat migi;

⁹karacelo kud adhura ma jukoyogi ni nyithindho pa Efraim i dier aba mi nyithindho pa Manase, adhura ceke ku pacune de.

¹⁰Man giriemo Jukanani ngo m’ubedo i Gezer; ento Jukanani bedo i dier Efraim cil i ceng’ maeni, man gidoko jutic kara gitim tic ma jumuli ko.