Read Alur 2 Jutesaloniki 3 Bible Online

2 Jutesaloniki 3 - Alur bible

2 Jutesaloniki 3

¹Aha a, umego, dong’ wurwo piwa, kara lembe pa Rwoth uringi man edok dwong’, cil calu ebedo bende kudu;

²man kara wabodhra ni dhanu m’udhuko ma gi judubo bende; kum dhanu ceke bedo ku yioyic ungo.

³Ento Rwoth en e mandha, m’ebiketho wunyang’, m’ebigwokowu de ni ng’atu ma rac.

⁴Man wabedo ku genogen i Rwoth piwu, ya wutimo man wubitimo gin ma wang’olo.

⁵Dong’ Rwoth utel adundewu i mer pa Mungu, man i twiocwiny pa Kristu.

⁶Nie wang’olo iwu, umego, ku nying Rwoth mwa ma Yesu Kristu, ya wukoiru giwu ni umego kubang’gi nzu ma giwotho ariri swa, man gilubo ponji ma gijolo i bang’wa ngo.

⁷Kum wung’eyo giwu maram maku wukwany ko kothwa: kum watimbra swa ngo i kindwu;

⁸kadi wacamu kwen mananu de ngo i cing’ ng’atu moko, ento i muli mi tic man i sendri, watimo diewor ku dieceng’, kara ku wanur ng’atu moko m’i kindwu:

⁹en e kum nia ng’ol umbe kudwa ngo, ento kara wadwokra ni por iwu, kara wukwany kothwa.

¹⁰Kum cil ma fodi wanuti wakudu, wang’olo iwu maeni kumae, Tek ng’atu moko kwero timo tici, kadok acama de kud ecam.

¹¹Kum wawinjo pi jumoko m’uwotho i kindwu ariri swa, ma gitimo tic ki ngo, ento gi juthubganda.

¹²Nie wagi joni wabeng’olo man wajuko i Rwoth Yesu Kristu, nia gitim tic ling’ ling’, man gicam kwen migi ma dhe.

¹³Ento wun, umego, kud wuol ku timo ber.

¹⁴Man tek ng’atu moko woro lembe mwa ma i waraga nini ngo, wunen ng’atuca, kara kud wuribru wukugi, kara lewic unege.

¹⁵Ento kud wukwane calu jadegi, endre wujuke calu en e umego.

¹⁶Nie dong’ Rwoth mi kwiocwiny en emi iwu kwiocwiny i nindo ceke i yo ceke de. Dong’ Rwoth ubed kudu ceke.

¹⁷Moth para an a Paolo gira ku cinga, ma en e giranyutha ku ba waraga ceke: kumeno agoro.

¹⁸Bero pa Rwoth mwa Yesu Kristu bed kudu ceke.