Read Alur 1 Petro 4 Bible Online

1 Petro 4 - Alur bible

1 Petro 4

¹Ka kumeno kum Kristu sendre i kum, e wun giwu bende wutwi jambali mi pidoic ma calacel; kum en m’esendre i kum eweko dubo;

²kara ugambre kawono i dong nindo m’udong’ kud wukwo i kum kud awanya ma rac mi dhanu, ento ku yeny ma Mungu yenyo.

³Kum nindo m’ukadhu romo mi timo yeny mi Thekdhanumange, man ku wotho i tarwang’, kud awanya ma rac, ku mer ku pigulok, ku cokri ma ku vul, ku cokri ma wi pigulok, ku lamu ayi gin m’acwia ma judagu:

⁴kum wukuringo wukugi ngo i thwo dubo ma calacel lembene wang’u igi lii, gidong’ giyero piwu rac:

⁵ma gibimio wel ni ng’atu m’ubedo ayika mi poko lembe mi ju ma kwo ku ju m’utho bende.

⁶Kum pi lembe maeni yang’ juyero lembanyong’a ma juboth ko cil ni ju m’utho de, kara jubin jupok lembe migi andha calku dhanu m’i kum, endre gibed kwo calku Mungu i tipo.

⁷Ento kajik mi gin ceke dhingo ceng’ni: ka kumeno wubed ku pidoiwu ma cu, wubed nger de ni rwo ni Mungu:

⁸ma sagu gin ceke wumeru i kindwu kud amora; kum mer umo udul dubo:

⁹ma wugwokru ko ma ng’ur umbe:

¹⁰calu ku ba dhanu ng’atuman ujolo giramia, ma wutim ko i kindwu giwu, calu jukurpiny ma ber mi bero pa Mungu ma kwonde tung’ tung’;

¹¹tek ng’atu moko yero, eyer calu en e wec pa Mungu; tek ng’atu moko timo, etim calu mi tego ma Mungu mio: kara juyung Mungu i gin ceke ni kum Yesu Kristu, ma dwong’ ku kero ubedo pare rondo ku rondo. Amen.

¹²Jumer, iwu kud uwang’ kum muloic ma calu mac ma ni i kindwu, m’ubino i beng’wu, nimulo iwu, calu nia gin moko ma tung’ utimbre i kumwu:

¹³ento kum wu jurib mi sendri pa Kristu, anyong’a negwu; kara i nyuth mi dwong’ pare bende anyong’a negwu kud anyong’a ma dit apila.

¹⁴Tek jucayuwu kum nying’ Kristu, mugisa kwanyuwu; kum Tipo mi dwong’ ku Tipo pa Mungu ebedo i wiwu.

¹⁵Kum ng’atu moko m’i kindwu kud usendre kum en e janek, kadi jakwo, kadi jatim rac, kadi kum erodhre i lembe mi dhanu mange:

¹⁶ento tek ng’atu moko besendre kum en e Jakristu, lewic kud unege; ento dong’ eyung Mungu nying’ maeni.

¹⁷Kum nindo wok ma lembapoka thekre ie i ot pa Mungu: man tek elar ethekre i bang’wa, kajik mi ju m’uworo lembanyong’a ma juboth ko pa Mungu ngo ke bibedo nenedi?

¹⁸Man tek weg bedopwe giboth arida, e ng’atu ma ayi Mungu mbe i kume ku jadubo de gibinen kani?

¹⁹Kum kumeno dong’ ju m’usendri bende calku yeny ma Mungu yenyo giketh ng’eyong’ec migi i timober ni Jacwic mandha.