Read Alur Lembanyutha 17 Bible Online

Lembanyutha 17 - Alur bible

Lembanyutha 17

¹Man acel m’i kind malaika abiro ma weg tabu abiro ubino, uweco kuda, ewacu kumae, Bin kue, abinyutho iri pokolembe pa dhaku ma won asara ma dit m’ubedo wi pi dupa;

²m’ubimo m’i ng’om gitimo kugi tarwang’, man ju m’ubedo wi ng’om jumerogi ku pigulok mi tarwang’ pare.

³Man etera cen i Tipo cil i yamba: man aneno dhaku m’ubedo wi yedi ma kwar ngbo, m’epong’ ku nying’ mir acidi, ma wie abiro tunge ke apar.

⁴Man dhakune ronjre uluga man kwar ngbo, m’erukre de ku mola ma kwar ku kidi ma pire tek man kidi ma i upal, m’emaku kikombe mi mola ma kwar i cinge ma gin mir adegi pong’ i ie, cil gin m’ucido mi tarwang’ pare,

⁵man nying’ ugoreternyimekumae, GIRAMUNG’A BABELI MA DIT, MEG WEG ASARA MAN MI GIN MIR ADEGI M’I NG’OM.

⁶Man aneno dhakune mer ku rimb jumaleng’, ku rimb ju m’utho pi Yesu. Man kan anene, ia wang’ lii ku wang’uic ma dit.

⁷Man malaika wacu ira kumae, Ii wang’ lii nedi? Abiyero iri pi giramung’a pa dhakune, man pi yedi m’uyeye, ma wie abiro tunge ke apar.

⁸Yedi m’ineno yang’ enuti, man embe: man edhingo ai i longro ma there mbe, m’ecidho ko i kanyothri. E ju m’ubedo wi ng’om igi biwang’ lii, gi ju ma nying’gi kugore ngo i kitabu mi kwo ugambre i thek ma ng’om uthekre ko, ka gineno yedi, maram yang’ enuti, man embe, man ebibino.

⁹Maeni pidoic ma won rieko. Wie abiro gi gudi abiro, ma dhakune bedo i wie:

¹⁰man gin ubimo abiro; abic upodho, acel nuti, mange ke fodi uwok ungo; man kan ewok, ebikobedo nyanindo moko be.

¹¹Man yedi ma naka nuti, ma dong’ embe e, en nini bende en e mir aborane, man en e kind abiro man ecidho i kanyothri.

¹²Man tung apar m’ineno gin ubimo apar ma fodi gikujolo ker ungo; endre gijolo ng’ol calu ubimo, karacelo ku yedi, kind saa acel.

¹³Joni gibedo ku pidoic acel, man gimio tego migi ku ng’ol migi de ni yedi.

¹⁴Joni gibitimo lwiny kum Nyathi Rombo, Nyathi Rombo de biloyogi, kum en e Rwoth mi rwodhi, man Ubimo mir ubimo; man ju ma gibedo gikugi de gibiloyo gikugi, ma gi ju ma julwong’ogi jugoyo wigi de gi mandha de.

¹⁵Man ewacu ira kumae, Pi m’ineno, ka ma dhaku ma won asara bedo ca, en e kodhidhanu, man udul dhanu, man thek, man dhok.

¹⁶Man tung apar m’ineno, ku yedi, maeni bidagu dhaku ma won asara, man gibiweke lwe man muneru, man gibicamu ring’kume, man gibiwang’e pet ku mac.

¹⁷Kum Mungu ketho i adundegi nia gitim pidoie, man gidok ma pidoigi acel, man gimi ker migi ni yedi, cil ma lembe pa Mungu timbre ko kakare.

¹⁸Man dhakune m’ineno en e adhura ma dit, m’ebimo wi ubimo m’i ng’om.