Read Ang Biblia, 1978 Job 35 Bible Online

Job 35 - Ang Biblia, 1978 bible

Job 35

¹Bukod dito'y sumagot si Eliu, at nagsabi,

²Iniisip mo bang ito'y matuwid? O sinasabi mong: Ang aking katuwiran ay higit kay sa Dios,

³Na iyong sinasabi, Anong pakinabang ang tatamuhin mo? At, anong pakinabang ang tataglayin kong higit kung ako'y nagkasala?

⁴Sasagutin kita, At ang iyong mga kasamahang kasama mo.

⁵ Tumingala ka sa mga langit at iyong tingnan; At masdan mo ang mga alapaap na lalong mataas kay sa iyo.

⁶Kung ikaw ay nagkasala, anong iyong ginagawa laban sa kaniya? At kung ang iyong mga pagsalangsang ay dumami, anong iyong ginagawa sa kaniya?

⁷ Kung ikaw ay matuwid anong ibinibigay mo sa kaniya? O anong tinatanggap niya sa iyong kamay?

⁸Ang iyong kasamaan ay makapagpapahamak sa isang lalaking gaya mo; At ang iyong katuwiran ay makapagpapakinabang sa anak ng tao.

⁹ Dahil sa karamihan ng mga kapighatian, sila'y humihiyaw: Sila'y humihingi ng tulong dahil sa kamay ng makapangyarihan.

¹⁰Nguni't walang nagsasabing, Saan nandoon ang Dios na Maylalang sa akin, Na siyang nagbibigay ng awit kung gabi;

¹¹Na siyang nagtuturo sa atin ng higit kay sa mga hayop sa lupa. At ginagawa tayong lalong pantas kay sa mga ibon sa himpapawid?

¹²Doo'y tumatawag sila, nguni't walang sumasagot, Dahil sa kapalaluan ng mga masamang tao

¹³Tunay na hindi didinggin ng Dios ang walang kabuluhan, Ni pakukundanganan man ito ng Makapangyarihan sa lahat.

¹⁴ Gaano pa kaliit kung iyong sinasabing hindi mo nakikita siya. Ang usap ay nasa harap niya, at iyong hinihintay siya!

¹⁵Nguni't ngayon sapagka't hindi niya dinalaw sa kaniyang galit, Ni ginunita mang maigi;

¹⁶ Kaya't ibinubuka ni Job ang kaniyang bibig sa walang kabuluhan; Siya'y nagpaparami ng mga salita na walang kaalaman.