Read Ang Biblia, 1978 Mga Awit 1 Bible Online

Mga Awit 1 - Ang Biblia, 1978 bible

Mga Awit 1

¹Mapalad ang tao na hindi lumalakad sa payo ng masama, Ni tumatayo man sa daan ng mga makasalanan, Ni nauupo man sa upuan ng mga manglilibak.

²Kundi ang kaniyang kasayahan ay nasa kautusan ng Panginoon; At sa kautusan niya nagbubulaybulay siya araw at gabi.

³At siya'y magiging parang punong kahoy na itinanim sa siping ng mga agos ng tubig, Na nagbubunga sa kaniyang kapanahunan, Ang kaniyang dahon nama'y hindi malalanta; At anomang kaniyang gawin ay giginhawa.

⁴Ang masama ay hindi gayon; Kundi parang ipa na itinataboy ng hangin.

⁵Kaya't ang masama ay hindi tatayo sa paghatol, Ni ang mga makasalanan man sa kapisanan ng mga matuwid.

⁶Sapagka't nalalaman ng Panginoon ang lakad ng mga matuwid: Nguni't ang lakad ng masama ay mapapahamak.