Read Ang Biblia, 1978 Mga Awit 130 Bible Online

Mga Awit 130 - Ang Biblia, 1978 bible

Mga Awit 130

¹Mula sa mga kalaliman ay dumaing ako sa iyo, Oh Panginoon.

²Panginoon, dinggin mo ang aking tinig: Pakinggan ng iyong mga pakinig Ang tinig ng aking mga pamanhik.

³Kung ikaw, Panginoon, magtatanda ng mga kasamaan, Oh Panginoon, sinong tatayo?

⁴Nguni't may kapatawarang taglay ka, Upang ikaw ay katakutan.

⁵ Aking hinihintay ang Panginoon, hinihintay ng aking kaluluwa, At sa kaniyang salita ay umaasa ako.

⁶Hinihintay ng aking kaluluwa ang Panginoon, Ng higit kay sa paghihintay ng bantay sa umaga; Oo, higit kay sa bantay sa umaga.

⁷Oh Israel, umasa ka sa Panginoon; Sapagka't sa Panginoon ay may kagandahang-loob.

⁸ At kaniyang tutubusin ang Israel Sa lahat niyang kasamaan.