Read Ang Biblia, 1978 Mga Awit 142 Bible Online

Mga Awit 142 - Ang Biblia, 1978 bible

Mga Awit 142

¹ Ako'y dumadaing ng aking tinig sa Panginoon; Ako'y namamanhik ng aking tinig sa Panginoon.

² Aking ibinubugso ang daing ko sa harap niya; Aking ipinakilala sa harap niya ang kabagabagan ko.

³Nang nanglupaypay ang diwa ko sa loob ko, Nalaman mo ang aking landas. Sa daan na aking nilalakaran Ay pinagkukublihan nila ako ng silo.

⁴ Tumingin ka sa aking kanan, at tingnan mo: Sapagka't walang tao na nakakakilala sa akin: Kanlungan ay kulang ako; Walang taong lumilingap sa aking kaluluwa.

⁵Ako'y dumaing sa iyo, Oh Panginoon; Aking sinabi: Ikaw ay aking kanlungan, Aking bahagi sa lupain ng may buhay.

⁶Pakinggan mo ang aking daing; Sapagka't ako'y totoong nababa: Iligtas mo ako sa nagsisiusig sa akin; Sapagka't sila'y malakas kay sa akin.

⁷ Ilabas mo ang aking kaluluwa sa bilangguan, Upang ako'y makapagpasalamat sa iyong pangalan: Kubkubin ako ng matuwid; Sapagka't ikaw ay gagawang may kagandahang-loob sa akin.