Read Ang Biblia, 1978 Mga Awit 47 Bible Online

Mga Awit 47 - Ang Biblia, 1978 bible

Mga Awit 47

¹Oh ipakpak ang inyong mga kamay ninyong lahat na mga bayan; Magsihiyaw kayo sa Dios ng tinig ng pagtatagumpay.

²Sapagka't ang Panginoong kataastaasan ay kakilakilabot; Siya'y dakilang Hari sa buong lupa.

³ Kaniyang pasusukuin ang mga bayan sa ilalim natin, At ang mga bansa sa ilalim ng ating mga paa.

⁴Kaniyang ipipili tayo ng ating mana, Ang karilagan ni Jacob na kaniyang minahal. (Selah)

⁵ Ang Dios ay napailanglang na may hiyawan, Ang Panginoon na may tunog ng pakakak.

⁶Kayo'y magsiawit ng mga pagpuri sa Dios, kayo'y magsiawit ng mga pagpuri: Kayo'y magsiawit ng mga pagpuri sa ating Hari, kayo'y magsiawit ng mga pagpuri.

⁷Sapagka't ang Dios ay Hari ng buong lupa: Magsiawit kayo ng mga pagpuri na may pagunawa.

⁸ Ang Dios ay naghahari sa mga bansa: Ang Dios ay nauupo sa kaniyang banal na luklukan.

⁹Ang mga pangulo ng mga bayan ay nangapipisan Upang maging bayan ng Dios ni Abraham; Sapagka't ang mga kalasag ng lupa ay ukol sa Dios; Siya'y totoong bunyi.