Read Ang Biblia, 1978 Mga Awit 70 Bible Online

Mga Awit 70 - Ang Biblia, 1978 bible

Mga Awit 70

¹ Magmadali ka, Oh Dios, na iligtas mo ako; Magmadali ka na tulungan mo ako, Oh Panginoon.

²Mangapahiya at mangalito sila, Na nagsisiusig ng aking kaluluwa: Mangapatalikod sila at mangadala sa kasiraang puri. Silang nangaliligaya sa aking kapahamakan.

³ Mangapatalikod sila dahil sa kanilang kahihiyan. Silang nangagsasabi, Aha, Aha.

⁴Mangagalak at mangatuwa sa iyo ang lahat na nagsisihanap sa iyo; At magsabing lagi yaong umiibig ng iyong kaligtasan: Dakilain ang Dios.

⁵Nguni't ako'y dukha at mapagkailangan; Magmadali ka sa akin, Oh Dios: Ikaw ay aking katulong at aking tagapagligtas; Oh Panginoon, huwag kang magluwat.