Read Ang Biblia, 1978 Mga Awit 82 Bible Online

Mga Awit 82 - Ang Biblia, 1978 bible

Mga Awit 82

¹Ang Dios ay tumatayo sa kapisanan ng Dios; Siya'y humahatol sa gitna ng mga dios.

²Hanggang kailan magsisihatol kayo ng kalikuan, At magsisigalang sa mga pagkatao ng masama? (Selah)

³Hatulan mo ang dukha at ulila: Gawan mo ng kaganapan ang napipighati at walang nagkakandili.

⁴Sagipin mo ang dukha at mapagkailangan: Iligtas ninyo sila sa kamay ng masama,

⁵Hindi nila nalalaman, ni nauunawa man; Sila'y nagsisilakad na paroo't parito sa kadiliman: Lahat ng patibayan ng lupa ay nangakilos.

⁶ Aking sinabi, Kayo'y mga dios, At kayong lahat ay mga anak ng Kataastaasan.

⁷Gayon ma'y mangamamatay kayong parang mga tao, At mangabubuwal na parang isa sa mga pangulo.

⁸Bumangon ka, O Dios, hatulan mo ang lupa: Sapagka't iyong mamanahin ang lahat ng mga bansa.