Read Ang Biblia, 2001 Genesis 36 Bible Online

Genesis 36 - Ang Biblia, 2001 bible

Genesis 36

¹ Ito ang mga lahi ni Esau, na siya ring Edom.

²Si Esau ay nag-asawa mula sa mga anak ng Canaan; kay Ada na anak ni Elon na Heteo, kay Aholibama, anak ni Ana na anak ni Zibeon na Heveo;

³kay Basemat na anak ni Ismael, na kapatid ni Nebayot.

⁴Ipinanganak ni Ada si Elifaz kay Esau; at ipinanganak ni Basemat si Reuel;

⁵at ipinanganak ni Aholibama sina Jeus, Jalam, at Kora. Ito ang mga anak ni Esau, na ipinanganak sa kanya sa lupain ng Canaan.

⁶Dinala ni Esau ang kanyang mga asawa, ang kanyang mga anak na lalaki at babae, ang lahat ng tao sa kanyang bahay, ang kanyang hayop, lahat ng kanyang kawan, at ang lahat na kanyang tinipon sa lupain ng Canaan, at pumunta sa isang lupaing malayo sa kanyang kapatid na si Jacob.

⁷Sapagkat ang kanilang ari-arian ay totoong napakalaki para sa kanila na manirahang magkasama. Ang lupain na kanilang pinaglakbayan ay hindi sila makayang tustusan dahilan sa kanilang mga hayop.

⁸Kaya't nanirahan si Esau sa bundok ng Seir. Si Esau ay si Edom.

⁹Ito ang mga lahi ni Esau, na ama ng mga Edomita sa bundok ng Seir.

¹⁰Ito ang mga pangalan ng mga anak ni Esau: si Elifaz, na anak ni Ada na asawa ni Esau, si Reuel na anak ni Basemat, na asawa ni Esau.

¹¹Ang mga anak ni Elifaz ay sina Teman, Omar, Zefo, Gatam at Kenaz.

¹²Si Timna ay asawang-lingkod ni Elifaz na anak ni Esau; at ipinanganak niya kay Elifaz si Amalek. Ito ang mga anak ni Ada na asawa ni Esau.

¹³Ito ang mga anak ni Reuel: sina Nahat, Zera, Shammah, at Mizza. Ito ang mga anak ni Basemat na asawa ni Esau.

¹⁴Ito ang mga anak ni Esau kay Aholibama, na anak ni Ana, na anak ni Zibeon. Ipinanganak niya kay Esau sina Jeus, Jalam at Kora.

¹⁵Ito ang mga pinuno sa mga anak ni Esau: ang mga anak ni Elifaz, na panganay ni Esau; ang mga pinunong sina Teman, Omar, Zefo, Kenaz,

¹⁶Kora, Gatam, at Amalek. Ito ang mga pinunong nagmula kay Elifaz sa lupain ng Edom; ito ang mga anak ni Ada.

¹⁷Ito ang mga anak ni Reuel na anak ni Esau: ang mga pinunong sina Nahat, Zera, Shammah, at Mizza. Ito ang mga pinunong nagmula kay Reuel sa lupain ng Edom; ito ang mga anak ni Basemat na asawa ni Esau.

¹⁸Ito ang mga anak ni Aholibama na asawa ni Esau: ang mga pinunong sina Jeus, Jalam, at Kora. Ito ang mga pinunong nagmula kay Aholibama na anak ni Ana, na asawa ni Esau.

¹⁹Ito ang mga anak ni Esau, (na siyang Edom) at ito ang kanilang mga pinuno.

²⁰Ito ang mga anak ni Seir na Horeo, na naninirahan sa lupain: sina Lotan, Sobal, Zibeon, at si Ana,

²¹sina Dishon, Eser, at Disan. Ito ang mga pinunong nagmula sa mga Horeo, na mga angkan ni Seir sa lupain ng Edom.

²²Ang mga anak ni Lotan ay sina Hori at Heman; at ang kapatid na babae ni Lotan ay si Timna.

²³Ito ang mga anak ni Sobal: sina Alvan, Manahat, Ebal, Zefo, at si Onam.

²⁴Ito ang mga anak ni Zibeon: sina Aya at Ana. Ito rin si Ana na nakatagpo ng maiinit na bukal sa ilang, habang kanyang inaalagaan ang mga asno ni Zibeon na kanyang ama.

²⁵Ito ang mga anak ni Ana: sina Dishon at Aholibama, na anak na babae ni Ana.

²⁶Ito ang mga anak ni Dishon: sina Hemdan, Esban, Itran, at Cheran.

²⁷Ito ang mga anak ni Eser: sina Bilhan, Zaavan at Acan.

²⁸Ito ang mga anak ni Disan: sina Uz at Aran.

²⁹Ito ang mga pinunong nagmula sa mga Horeo: ang mga pinunong sina Lotan, Sobal, Zibeon, at Ana,

³⁰Dishon, Eser, at Disan. Ito ang mga pinunong nagmula sa mga Horeo ayon sa kanilang mga angkan, sa lupain ng Seir.

³¹Ito ang mga hari na nagsipaghari sa lupain ng Edom bago maghari ang sinumang hari sa angkan ni Israel.

³²Si Bela na anak ni Beor ay naghari sa Edom; at ang pangalan ng kanyang bayan ay Dinhaba.

³³Namatay si Bela, at naghari na kapalit niya si Jobab na anak ni Zera, na taga-Bosra.

³⁴Namatay si Jobab at naghari na kapalit niya si Husam, na taga-lupain ng mga Temanita.

³⁵Namatay si Husam at naghari na kapalit niya si Adad, na anak ni Badad, na siyang gumapi kay Midian sa parang ni Moab at ang pangalan ng kanyang bayan ay Avith.

³⁶Namatay si Adad at naghari na kapalit niya si Samla na taga-Masreca.

³⁷Namatay si Samla at naghari na kapalit niya si Shaul na taga-Rehobot na tabi ng Eufrates.

³⁸Namatay si Shaul at naghari na kapalit niya si Baal-hanan na anak ni Acbor.

³⁹Namatay si Baal-hanan na anak ni Acbor at naghari na kapalit niya si Adar; at ang pangalan ng kanyang bayan ay Pau; at ang pangalan ng kanyang asawa ay Mehetabel na anak ni Matred, na anak na babae ni Mezaab.

⁴⁰Ito ang mga pangalan ng mga pinunong nagmula kay Esau, ayon sa kanya-kanyang angkan, ayon sa kanya-kanyang lugar, alinsunod sa kanya-kanyang pangalan: ang mga pinunong sina Timna, Alva, Jetet;

⁴¹Aholibama, Ela, Pinon.

⁴²Kenaz, Teman, Mibzar.

⁴³Magdiel, at Hiram. Ito ang mga pinuno ni Edom, ayon sa kanya-kanyang tinitirhan sa lupain na kanilang pag-aari. Siya ay si Esau na ama ng mga Edomita.