Read Ang Biblia, 2001 1 Cronica 2 Bible Online

1 Cronica 2 - Ang Biblia, 2001 bible

1 Cronica 2

¹Ito ang mga anak ni Israel: sina Ruben, Simeon, Levi, Juda, Isacar, Zebulon;

²Dan, Jose, Benjamin, Neftali, Gad at Aser.

³Ang mga anak ni Juda ay sina Er, Onan, at Shela na ang tatlong ito ay isinilang sa kanya ni Batsua na Cananea. Si Er, na panganay ni Juda, ay masama sa paningin ng PANGINOON; at pinatay niya ito.

⁴At ipinanganak sa kanya ni Tamar na kanyang manugang na babae si Perez at si Zera. Lima lahat ang anak na lalaki ni Juda.

⁵Ang mga anak na lalaki ni Perez ay sina Hesron at Hamul.

⁶Ang mga anak na lalaki ni Zera ay sina Zimri, Etan, Heman, Calcol, at Dara;[1] lima silang lahat.

⁷Ang mga anak na lalaki ni Carmi ay sina Acar, ang nanggulo sa Israel, na lumabag tungkol sa itinalagang bagay.

⁸Ang anak ni Etan ay si Azarias.

⁹Ang mga anak naman ni Hesron, na isinilang sa kanya ay sina Jerameel, Ram, at Celubai.

¹⁰Naging anak ni Ram si Aminadab; at naging anak ni Aminadab si Naashon, na pinuno ng mga anak ni Juda;

¹¹naging anak ni Naashon si Salma, at naging anak ni Salma si Boaz;

¹²naging anak ni Boaz si Obed, at naging anak ni Obed si Jesse;

¹³naging anak ni Jesse ang kanyang panganay na si Eliab, si Abinadab ang ikalawa, si Shimea ang ikatlo;

¹⁴si Natanael ang ikaapat, si Radai ang ikalima;

¹⁵si Osem ang ikaanim, si David ang ikapito.

¹⁶At ang kanilang mga kapatid na babae ay sina Zeruia at Abigail. Ang mga naging anak ni Zeruia ay sina Abisai, Joab, at Asahel, tatlo.

¹⁷Ipinanganak ni Abigail si Amasa; at ang ama ni Amasa ay si Jeter na Ismaelita.

¹⁸At nagkaanak si Caleb na anak ni Hesron kay Azuba na asawa niya, at kay Jerioth. Ang mga ito ang kanyang mga anak: sina Jeser, Sobad, at Ardon.

¹⁹Nang mamatay si Azuba, nag-asawa si Caleb kay Efrata, na siyang nagsilang kay Hur sa kanya.

²⁰Naging anak ni Hur si Uri, at naging anak ni Uri si Bezaleel.

²¹Pagkatapos ay sumiping si Hesron sa anak na babae ni Makir na ama ni Gilead, na siya niyang naging asawa nang siya'y may animnapung taong gulang; at ipinanganak niya si Segub sa kanya.

²²Naging anak ni Segub si Jair, na nagkaroon ng dalawampu't tatlong lunsod sa lupain ng Gilead.

²³Ngunit sinakop ni Geshur at ni Aram ang mga bayan ni Jair sa kanila, pati ang Kenat, at ang mga nayon niyon, samakatuwid baga'y animnapung lunsod. Lahat ng ito'y mga anak ni Makir na ama ni Gilead.

²⁴At pagkamatay ni Hesron sa Caleb-efrata ay ipinanganak ni Abias na asawa ni Hesron si Ashur na ama ni Tekoa.

²⁵Ang mga anak ni Jerameel na panganay ni Hesron ay si Ram, ang panganay, at sina Buna, Orem, Osem, at Ahias.

²⁶Si Jerameel ay may iba pang asawa na ang pangalan ay Atara; siya ang ina ni Onam.

²⁷Ang mga anak ni Ram na panganay ni Jerameel ay sina Maas, Jamin, at Eker.

²⁸Ang mga anak ni Onam ay sina Shammai, at Jada. Ang mga anak ni Shammai ay sina Nadab, at Abisur.

²⁹Ang pangalan ng asawa ni Abisur ay Abihail; at ipinanganak niya sa kanya sina Aban, at Molid.

³⁰Ang mga anak ni Nadab ay sina Seled, at Afaim. Ngunit si Seled ay namatay na walang anak.

³¹Ang anak[2] ni Afaim ay si Ishi. At ang anak[3] ni Ishi ay si Sesan. Ang anak[4] ni Sesan ay si Alai.

³²Ang mga anak ni Jada, na kapatid ni Shammai ay sina Jeter at Jonathan. Si Jeter ay namatay na walang anak.

³³Ang mga anak ni Jonathan ay sina Pelet, at Zaza. Ito ang mga anak ni Jerameel.

³⁴Si Sesan ay hindi nagkaanak ng mga lalaki, kundi mga babae. Si Sesan ay may isang alipin na taga-Ehipto, na ang pangalan ay Jarha.

³⁵At pinapag-asawa ni Sesan ang kanyang anak na babae kay Jarha na kanyang alipin at naging anak nila ni Jarha si Attai.

³⁶Si Attai ang ama ni Natan, at naging anak ni Natan si Zabad;

³⁷si Zabad ang ama ni Eflal, at naging anak ni Eflal si Obed.

³⁸Si Obed ang ama ni Jehu, at naging anak ni Jehu si Azarias.

³⁹Si Azarias ang ama ni Heles, at naging anak ni Heles si Elesa.

⁴⁰Si Elesa ang ama ni Sismai, at naging anak ni Sismai si Shallum.

⁴¹Si Shallum ang ama ni Jekamias, at naging anak ni Jekamias si Elisama.

⁴²Ang mga anak ni Caleb na kapatid ni Jerameel ay si Mesha na kanyang panganay, na siyang ama ni Zif. Ang kanyang anak ay si Maresha[5] na ama ni Hebron.[6]

⁴³Ang mga anak ni Hebron ay sina Kora, Tapua, Rekem, at Shema.

⁴⁴Si Shema ang ama ni Raham, na ama ni Jokneam; at naging anak ni Rekem si Shammai.

⁴⁵Ang anak ni Shammai ay si Maon; at si Maon ay ama ni Bet-zur.

⁴⁶At ipinanganak ni Efa, na asawang-lingkod ni Caleb, sina Haran, Mosa, at Gazez; at naging anak ni Haran si Gazez.

⁴⁷Ang mga anak ni Joddai ay sina Regem, Jotam, Gesan, Pelet, Efa, at Saaf.

⁴⁸Ipinanganak ni Maaca, na asawang-lingkod ni Caleb, sina Sebet, at Tirana.

⁴⁹Ipinanganak din niya si Saaf na ama ni Madmana, si Seva na ama ni Macbena, at ang ama ni Gibea; at ang anak na babae ni Caleb ay si Acsa.

⁵⁰Ito ang mga naging anak ni Caleb, na anak ni Hur, na panganay ni Efrata: si Sobal na ama ni Kiryat-jearim;

⁵¹si Salma na ama ni Bethlehem, si Haref na ama ni Betgader.

⁵²At si Sobal na ama ni Kiryat-jearim ay nagkaroon ng iba pang mga anak na lalaki: si Haroe, na kalahati ng mga Menuhot.

⁵³At ang mga angkan ni Kiryat-jearim: ang mga Itreo, mga Futeo, at ang mga Sumateo, at ang mga Misraiteo; mula sa kanila ang mga Soratita at mga Estaolita.

⁵⁴Ang mga anak ni Salma: ang Bethlehem, ang mga Netofatita, ang Atrot-betjoab, at ang kalahati ng mga Manahetita, ang mga Soraita.

⁵⁵At ang mga angkan ng mga eskriba na naninirahan sa Jabez: ang mga Tirateo, mga Shimateo, at ang mga Sucateo. Ito ang mga Kineo na nagmula kay Hamat na ama ng sambahayan ni Recab.