Read Ang Biblia, 2001 1 Cronica 6 Bible Online

1 Cronica 6 - Ang Biblia, 2001 bible

1 Cronica 6

¹Ang mga anak ni Levi ay sina Gershon,[1] Kohat, at Merari.

²Ang mga anak ni Kohat ay sina Amram, Izar, Hebron, at Uziel.

³Ang mga anak ni Amram ay sina Aaron, Moises, at Miriam. Ang mga anak ni Aaron ay sina Nadab, Abihu, Eleazar, at Itamar.

⁴Si Eleazar ang ama ni Finehas, at si Finehas ang ama ni Abisua.

⁵Si Abisua ang ama ni Buki, at si Buki ang ama ni Uzi.

⁶Si Uzi ang ama ni Zeraias, si Zeraias ang ama ni Meraiot.

⁷Si Meraiot ang ama ni Amarias, si Amarias ang ama ni Ahitub.

⁸Si Ahitub ang ama ni Zadok, si Zadok ang ama ni Ahimaaz.

⁹Si Ahimaaz ang ama ni Azarias, at si Azarias ang ama ni Johanan.

¹⁰Si Johanan ang ama ni Azarias (na siyang naglingkod bilang pari sa bahay na itinayo ni Solomon sa Jerusalem).

¹¹Si Azarias ang ama ni Amarias, si Amarias ang ama ni Ahitub;

¹²si Ahitub ang ama ni Zadok, si Zadok ang ama ni Shallum.

¹³Si Shallum ang ama ni Hilkias, at si Hilkias ang ama ni Azarias.

¹⁴Si Azarias ang ama ni Seraya, at si Seraya ang ama ni Jehozadak,

¹⁵si Jehozadak ay nabihag nang ipabihag ng PANGINOON ang Juda at ang Jerusalem sa pamamagitan ng kamay ni Nebukadnezar.

¹⁶Ang mga anak ni Levi ay sina Gershon, Kohat, at Merari.

¹⁷Ang mga ito ang mga pangalan ng mga anak ni Gershon: sina Libni at Shimei.

¹⁸Ang mga anak ni Kohat ay sina Amram, Izar, Hebron, at Uziel.

¹⁹Ang mga anak ni Merari ay sina Mahli at Musi. Ang mga ito ang mga angkan ng mga Levita ayon sa mga sambahayan ng kanilang mga magulang.

²⁰Kay Gershon: si Libni na kanyang anak, si Jahat na kanyang anak, si Zimma na kanyang anak;

²¹si Joah na kanyang anak, si Iddo na kanyang anak, si Zera na kanyang anak, si Jeotrai na kanyang anak.

²²Ang mga anak ni Kohat ay sina Aminadab na kanyang anak, si Kora na kanyang anak, si Asir na kanyang anak;

²³si Elkana na kanyang anak, si Abiasaf na kanyang anak, si Asir na kanyang anak;

²⁴si Tahat na kanyang anak, si Uriel na kanyang anak, si Uzias na kanyang anak, at si Shaul na kanyang anak.

²⁵Ang mga anak ni Elkana ay sina Amasai at Achimot,

²⁶si Elkana na kanyang anak, si Sofai na kanyang anak, si Nahat na kanyang anak;

²⁷si Eliab na kanyang anak, si Jeroham na kanyang anak, si Elkana na kanyang anak.

²⁸Ang mga anak ni Samuel: ang panganay ay si Joel, at ang ikalawa'y si Abias.

²⁹Ang mga anak ni Merari ay si Mahli, si Libni na kanyang anak, si Shimei na kanyang anak, si Uzah na kanyang anak;

³⁰si Shimea na kanyang anak, si Haggia na kanyang anak, si Asaya na kanyang anak.

³¹Ang mga ito ang mga inilagay ni David upang mangasiwa sa pag-aawitan sa bahay ng PANGINOON, pagkatapos na mailagay roon ang kaban.

³²Sila'y naglingkod sa pamamagitan ng awit sa harap ng toldang tipanan hanggang sa itinayo ni Solomon ang bahay ng PANGINOON sa Jerusalem. Kanilang ginampanan ang paglilingkod ayon sa kanilang pagkakasunud-sunod.

³³Ang mga ito ang naglingkod at ang kanilang mga anak. Sa mga anak ng mga Kohatita: si Heman na mang-aawit na anak ni Joel, na anak ni Samuel;

³⁴na anak ni Elkana, na anak ni Jeroham, na anak ni Eliel, na anak ni Thoa;

³⁵na anak ni Zuf, na anak ni Elkana, na anak ni Mahat, na anak ni Amasai;

³⁶na anak ni Elkana, na anak ni Joel, na anak ni Azarias, na anak ni Sefanias,

³⁷na anak ni Tahat, na anak ni Asir, na anak ni Ahiasaph, na anak ni Kora;

³⁸na anak ni Izar, na anak ni Kohat, na anak ni Levi, na anak ni Israel.

³⁹At ang kanyang kapatid na si Asaf ay nakatayo sa kanyang kanan, samakatuwid ay si Asaf na anak ni Berequias, na anak ni Shimea;

⁴⁰na anak ni Micael, na anak ni Baasias, na anak ni Malkia;

⁴¹na anak ni Athanai, na anak ni Zera, na anak ni Adaya;

⁴²na anak ni Etan, na anak ni Zimma, na anak ni Shimei;

⁴³na anak ni Jahat, na anak ni Gershon, na anak ni Levi.

⁴⁴At sa kaliwa ay ang kanilang mga kapatid na mga anak ni Merari: si Etan na anak ni Chisi, na anak ni Abdi, na anak ni Malluc;

⁴⁵na anak ni Hashabias, na anak ni Amasias, na anak ni Hilkias;

⁴⁶na anak ni Amasias, na anak ni Bani, na anak ni Semer;

⁴⁷na anak ni Mahli, na anak ni Musi, na anak ni Merari, na anak ni Levi.

⁴⁸At ang kanilang mga kapatid na mga Levita ay itinalaga sa lahat ng paglilingkod sa tabernakulo ng bahay ng Diyos.

⁴⁹Ngunit si Aaron at ang kanyang mga anak ay naghandog sa ibabaw ng dambana ng handog na sinusunog, at sa ibabaw ng dambana ng insenso, para sa buong gawain sa dakong kabanal-banalan, upang gumawa ng pagtubos para sa Israel ayon sa lahat ng iniutos ni Moises na lingkod ng Diyos.

⁵⁰Ang mga ito ang mga anak ni Aaron: si Eleazar na kanyang anak, si Finehas na kanyang anak, si Abisua na kanyang anak,

⁵¹si Buki na kanyang anak, si Uzi na kanyang anak, si Zeraias na kanyang anak,

⁵²si Meraiot na kanyang anak, si Amarias na kanyang anak, si Ahitub na kanyang anak,

⁵³si Zadok na kanyang anak, si Ahimaaz na kanyang anak.

⁵⁴Ang mga ito ang mga lugar na kanilang tinitirhan ayon sa kanilang mga kampo sa kanilang mga hangganan; sa mga anak ni Aaron, sa mga angkan ng mga Kohatita, sapagkat sila ang unang napili sa palabunutan.

⁵⁵Kanilang ibinigay sa kanila ang Hebron sa lupain ng Juda, at ang mga pastulan doon sa palibot,

⁵⁶ngunit ang mga bukid ng lunsod, at ang mga pastulan doon ay kanilang ibinigay kay Caleb na anak ni Jefone.

⁵⁷At sa mga anak ni Aaron ay kanilang ibinigay ang mga lunsod-kanlungan, ang Hebron; gayundin ang Libna pati ang mga pastulan doon, ang Jatir, at ang Estemoa pati ang mga pastulan doon,

⁵⁸ang Hilen[2] pati ang mga pastulan doon, ang Debir pati ang mga pastulan doon;

⁵⁹ang Asan pati ang mga pastulan doon, at ang Bet-shemes pati ang mga pastulan doon.

⁶⁰At mula sa lipi ni Benjamin: ang Geba pati ang mga pastulan doon, ang Alemet pati ang mga pastulan doon, at ang Anatot pati na ang mga pastulan doon. Ang lahat ng kanilang bayan sa lahat na kanilang angkan ay labintatlong bayan.

⁶¹Ang iba pa sa mga anak ni Kohatita ay binigyan sa pamamagitan ng palabunutan, mula sa angkan ng kalahating lipi ni Manases, sampung bayan.

⁶²At sa mga anak ni Gershon, ayon sa kanilang mga angkan, sa lipi ni Isacar, sa lipi ni Aser, sa lipi ni Neftali, at sa lipi ni Manases sa Basan, labintatlong bayan.

⁶³Ang mga anak ni Merari ay binigyan sa pamamagitan ng palabunutan, ayon sa kanilang mga angkan sa lipi ni Ruben, sa lipi ni Gad, at sa lipi ni Zebulon, labindalawang bayan.

⁶⁴At ibinigay ng mga anak ni Israel sa mga Levita ang mga bayan pati na ang mga pastulan doon.

⁶⁵At kanilang ibinigay sa pamamagitan ng palabunutan sa lipi ng mga anak ni Juda, sa lipi ng mga anak ni Simeon, at sa lipi ng mga anak ni Benjamin, ang mga bayang ito na binanggit sa pangalan.

⁶⁶Ang ilan sa mga angkan ng mga anak ni Kohat ay may mga bayan sa kanilang mga nasasakupan na mula sa lipi ni Efraim.

⁶⁷Sa kanila ay ibinigay ang mga lunsod-kanlungan: ang Shekem sa lupaing maburol ng Efraim pati na ang mga pastulan doon, gayundin ang Gezer pati na ang mga pastulan doon.

⁶⁸Ang Jocmeam pati na ang mga pastulan doon; at ang Bet-horon pati na ang mga pastulan doon.

⁶⁹Ang Ajalon pati na ang mga pastulan doon; at ang Gat-rimon pati na ang mga pastulan doon.

⁷⁰At mula sa kalahating lipi ni Manases; ang Aner pati na ang mga pastulan doon, ang Bilam pati na ang mga pastulan doon sa nalabi sa angkan ng mga anak ni Kohatita.

⁷¹Sa mga anak ni Gershon ay napabigay, mula sa angkan ng kalahating lipi ni Manases, ang Golan sa Basan pati na ang mga pastulan doon, at ang Astarot pati na ang mga pastulan doon.

⁷²At mula sa lipi ni Isacar, ang Kedes pati na ang mga pastulan doon, ang Daberat pati na ang mga pastulan doon;

⁷³ang Ramot pati na ang mga pastulan doon, ang Anem pati na ang mga pastulan doon.

⁷⁴At mula sa lipi ni Aser, ang Masal pati na ang mga pastulan doon, ang Abdon pati na ang mga pastulan doon,

⁷⁵ang Hukok pati na ang mga pastulan doon, ang Rehob pati na ang mga pastulan doon.

⁷⁶At mula sa lipi ni Neftali; ang Kedes sa Galilea pati na ang mga pastulan doon, ang Hamon pati na ang mga pastulan doon, at ang Kiryataim pati na ang mga pastulan doon.

⁷⁷Sa iba pang mga anak ni Merari ay napabigay mula sa lipi ni Zebulon ang Rimono pati na ang mga pastulan doon, ang Tabor pati na ang mga pastulan doon.

⁷⁸At sa dako roon ng Jordan sa Jerico sa dakong silangan ng Jordan ay napabigay sa kanila mula sa lipi ni Ruben, ang Bezer sa ilang pati na ang mga pastulan doon, at ang Jaza pati na ang mga pastulan doon,

⁷⁹ang Kedemot pati na ang mga pastulan doon, ang Mefaat pati na ang mga pastulan doon.

⁸⁰At mula sa lipi ni Gad; ang Ramot sa Gilead pati na ang mga pastulan doon, at ang Mahanaim pati na ang mga pastulan doon,

⁸¹ang Hesbon pati na ang mga pastulan doon, at ang Jazer pati na ang mga pastulan.