Read Ang Biblia, 2001 Nehemias 7 Bible Online

Nehemias 7 - Ang Biblia, 2001 bible

Nehemias 7

¹Nang ang pader ay naitayo na at nailagay ko na ang mga pinto, ang mga bantay-pinto, mga mang-aawit, at ang mga Levita ay nahirang na,

²aking ibinigay kay Hanani na aking kapatid at kay Hananias na tagapamahala ng kuta, ang pamamahala sa Jerusalem, sapagkat siya'y isang higit na tapat na lalaki at natatakot sa Diyos kaysa marami.

³Sinabi ko sa kanila, “Huwag bubuksan ang mga pintuan ng Jerusalem hanggang sa ang araw ay uminit; at samantalang sila'y nagbabantay, isara nila at ikandado ang mga pinto. Humirang kayo ng mga bantay mula sa mga mamamayan ng Jerusalem, bawat isa'y sa kanyang binabantayan, at bawat isa'y sa tapat ng kanyang bahay.”

⁴Ang lunsod ay maluwang at malaki, ngunit ang mga tao sa loob nito ay kakaunti at wala pang mga bahay na naitatayo.

⁵Inilagay ng Diyos sa aking puso na tipunin ang mga maharlika, mga pinuno, at ang taong-bayan upang magpatala ayon sa talaan ng lahi. Aking natagpuan ang aklat ng talaan ng lahi ng mga nagsiahon noong una, at aking natagpuang nakasulat doon:

⁶Ang mga ito ang mga tao ng lalawigan na nagsiahon mula sa pagkabihag na dinala ni Nebukadnezar na hari ng Babilonia; sila'y nagsibalik sa Jerusalem at sa Juda, bawat isa'y sa kanyang bayan.

⁷Sila'y dumating na kasama nina Zerubabel, Jeshua, Nehemias, Azarias, Raamias, Nahamani, Mordecai, Bilsan, Misperet, Bigvai, Nehum, at Baana. Ang bilang ng mga lalaki ng Israel ay ito:

⁸ang mga anak ni Paros, dalawang libo isandaan at pitumpu't dalawa.

⁹Ang mga anak ni Shefatias, tatlong daan at pitumpu't dalawa.

¹⁰Ang mga anak ni Arah, animnaraan at limampu't dalawa.

¹¹Ang mga anak ni Pahat-moab, na mga anak ni Jeshua at ni Joab, dalawang libo't walong daan at labingwalo.

¹²Ang mga anak ni Elam, isang libo dalawandaan at limampu't apat.

¹³Ang mga anak ni Zatu, walong daan at apatnapu't lima.

¹⁴Ang mga anak ni Zacai, pitong daan at animnapu.

¹⁵Ang mga anak ni Binui, animnaraan at apatnapu't walo.

¹⁶Ang mga anak ni Bebai, animnaraan at dalawampu't walo.

¹⁷Ang mga anak ni Azgad, dalawang libo tatlong daan at dalawampu't dalawa.

¹⁸Ang mga anak ni Adonikam, animnaraan at animnapu't pito.

¹⁹Ang mga anak ni Bigvai, dalawang libo at animnapu't pito.

²⁰Ang mga anak ni Adin, animnaraan at limampu't lima.

²¹Ang mga anak ni Ater, kay Hezekias, siyamnapu't walo.

²²Ang mga anak ni Hasum, tatlong daan at dalawampu't walo.

²³Ang mga anak ni Besai, tatlong daan at dalawampu't apat.

²⁴Ang mga anak ni Harif, isandaan at labindalawa.

²⁵Ang mga anak ng Gibeon, siyamnapu't lima.

²⁶Ang mga lalaki ng Bethlehem at ng Netofa, isandaan at walumpu't walo.

²⁷Ang mga lalaki ng Anatot, isandaan at dalawampu't walo.

²⁸Ang mga lalaki ng Betazmavet, apatnapu't dalawa.

²⁹Ang mga lalaki ng Kiryat-jearim, ng Cefira, at ng Beerot, pitong daan at apatnapu't tatlo.

³⁰Ang mga lalaki ng Rama at ng Geba, animnaraan at dalawampu't isa.

³¹Ang mga lalaki ng Mikmas, isandaan at dalawampu't dalawa.

³²Ang mga lalaki ng Bethel at ng Ai, isandaan at dalawampu't tatlo.

³³Ang mga lalaki ng isa pang Nebo, limampu't dalawa.

³⁴Ang mga anak ng isa pang Elam, isang libo dalawandaan at limampu't apat.

³⁵Ang mga anak ni Harim, tatlong daan at dalawampu.

³⁶Ang mga anak ng Jerico, tatlong daan at apatnapu't lima.

³⁷Ang mga anak ng Lod, Hadid at Ono, pitong daan at dalawampu't isa.

³⁸Ang mga anak ni Senaa, tatlong libo siyamnaraan at tatlumpu.

³⁹Ang mga pari: ang mga anak ni Jedias sa sambahayan ni Jeshua, siyamnaraan at pitumpu't tatlo.

⁴⁰Ang mga anak ni Imer, isang libo at limampu't dalawa.

⁴¹Ang mga anak ni Pashur, isang libo dalawandaan at apatnapu't pito.

⁴²Ang mga anak ni Harim, isang libo at labimpito.

⁴³Ang mga Levita: ang mga anak ni Jeshua, ni Cadmiel sa mga anak ni Odevia, pitumpu't apat.

⁴⁴Ang mga mang-aawit: ang mga anak ni Asaf, isandaan at apatnapu't walo.

⁴⁵Ang mga bantay-pinto: ang mga anak ni Shallum, ang mga anak ni Ater, ang mga anak ni Talmon, ang mga anak ni Akub, ang mga anak ni Hatita, ang mga anak ni Sobai, isandaan at tatlumpu't walo.

⁴⁶Ang mga lingkod sa templo:[1] ang mga anak ni Ziha, ang mga anak ni Hasufa, ang mga anak ni Tabaot;

⁴⁷ang mga anak ni Keros, ang mga anak ni Sia, ang mga anak ni Fadon;

⁴⁸ang mga anak ni Lebana, ang mga anak ni Hagaba, ang mga anak ni Salmai;

⁴⁹ang mga anak ni Hanan, ang mga anak ni Giddel, ang mga anak ni Gahar;

⁵⁰ang mga anak ni Reaya, ang mga anak ni Rezin, ang mga anak ni Nekoda;

⁵¹ang mga anak ni Gazam, ang mga anak ni Uza, ang mga anak ni Pasea;

⁵²ang mga anak ni Besai, ang mga anak ni Meunim, ang mga anak ni Nephisesim;

⁵³ang mga anak ni Bacbuc, ang mga anak ni Hacufa, ang mga anak ni Harhur;

⁵⁴ang mga anak ni Baslit, ang mga anak ni Mehida, ang mga anak ni Harsa;

⁵⁵ang mga anak ni Barkos, ang mga anak ni Sisera, ang mga anak ni Tema;

⁵⁶ang mga anak ni Nesia, ang mga anak ni Hatifa.

⁵⁷Ang mga anak ng mga lingkod ni Solomon; ang mga anak ni Sotai, ang mga anak ni Soferet, ang mga anak ni Perida;

⁵⁸ang mga anak ni Jahala, ang mga anak ni Darkon, ang mga anak ni Giddel;

⁵⁹ang mga anak ni Shefatias, ang mga anak ni Hattil, ang mga anak ni Pochereth-hazzebaim, ang mga anak ni Amon.

⁶⁰Lahat ng mga lingkod sa templo, at ang mga anak ng mga lingkod ni Solomon ay tatlong daan at siyamnapu't dalawa.

⁶¹At sumusunod ay yaong umahon mula sa Telmelah, Telharsa, Kerub, Addon, at Imer, ngunit hindi nila mapatunayan ang mga sambahayan ng kanilang mga ninuno, kung sila ba ay kabilang sa Israel:

⁶²ang mga anak ni Delaia, ang mga anak ni Tobias, ang mga anak ni Nekoda, animnaraan at apatnapu't dalawa.

⁶³At sa mga pari: ang mga anak ni Hobaias, ang mga anak ni Hakoz, ang mga anak ni Barzilai, (na nag-asawa sa anak ni Barzilai na Gileadita, at tinawag ayon sa kanilang pangalan).

⁶⁴Hinanap ng mga ito ang kanilang talaan ng lahi doon sa mga nakatala sa talaan ng lahi, ngunit iyon ay hindi natagpuan doon, kaya't sila'y ibinilang na marurumi at inalis sa pagkapari.

⁶⁵Sinabi sa kanila ng tagapamahala na huwag kakain ng kabanal-banalang pagkain, hanggang sa tumayo ang isang pari na may Urim at may Tumim.

⁶⁶Ang buong kapisanang magkakasama ay apatnapu't dalawang libo at tatlong daan at animnapu,

⁶⁷bukod sa kanilang mga lingkod na lalaki at babae na may pitong libo at tatlong daan at tatlumpu't pito; at sila'y may dalawandaan at apatnapu't limang mang-aawit na lalaki at babae.

⁶⁸Ang kanilang mga kabayo ay pitong daan at tatlumpu't anim; ang kanilang mga mola ay dalawandaan at apatnapu't lima;

⁶⁹ang kanilang mga kamelyo ay apatnaraan at tatlumpu't lima; ang kanilang mga asno ay anim na libo pitong daan at dalawampu.

⁷⁰Ang ilan sa mga puno ng mga sambahayan ng mga ninuno ay nagbigay ng tulong sa gawain. Ang tagapamahala ay nagbigay sa kabang-yaman ng isang libong darikong ginto, limampung mangkok, limang daan at tatlumpung bihisan ng mga pari.

⁷¹Ang ilan sa mga puno ng mga sambahayan ng mga ninuno ay nagbigay sa kabang-yaman ng gawain ng dalawampung libong darikong ginto, at dalawang libo at dalawandaang librang pilak.

⁷²Ang ibinigay na tulong ng nalabi sa bayan ay dalawampung libong darikong ginto, dalawang libong librang pilak, at animnapu't pitong bihisan ng mga pari.

⁷³Kaya't ang mga pari, mga Levita, mga bantay-pinto, mga mang-aawit, ang ilan sa mga mamamayan, at ang mga lingkod sa templo, at ang buong Israel ay nanirahan sa kanilang mga bayan. Nang dumating ang ikapitong buwan ang mga anak ni Israel ay nasa kanilang mga bayan.