Read Ang Biblia, 2001 Mga Awit 110 Bible Online

Mga Awit 110 - Ang Biblia, 2001 bible

Mga Awit 110

¹Sinabi ng PANGINOON sa aking panginoon: “Umupo ka sa aking kanan, hanggang sa aking gawing tuntungan ng iyong paa ang iyong mga kaaway.”

²Iuunat ng PANGINOON ang setro ng iyong kalakasan mula sa Zion. Mamuno ka sa gitna ng mga kaaway mo!

³Kusang-loob na ihahandog ng iyong bayan sa araw ng iyong kapangyarihan sa kagandahan ng kabanalan. Mula sa bukang-liwayway ng umaga, ang iyong kabataan ay darating sa iyo na hamog ang kagaya.

⁴Sumumpa ang PANGINOON, at hindi magbabago ang kanyang isipan, “Ikaw ay pari magpakailanman ayon sa pagkapari ni Melquizedek.”

⁵Ang Panginoon ay nasa iyong kanang kamay; dudurugin niya ang mga hari sa araw ng kanyang poot.

⁶Siya'y maglalapat ng hatol sa mga bansa, kanyang pupunuin sila ng mga bangkay; wawasakin niya ang mga pinuno sa kalaparan ng lupa.

⁷Siya'y iinom sa batis sa tabi ng daan; kaya't ang kanyang ulo ay kanyang itataas.