Read Ang Biblia, 2001 Mga Awit 114 Bible Online

Mga Awit 114 - Ang Biblia, 2001 bible

Mga Awit 114

¹Nang lumabas ang Israel at sa Ehipto ay nagmula, ang sambahayan ni Jacob mula sa bayang may kakaibang wika,

²ang Juda ay naging kanyang santuwaryo, ang Israel ay kanyang sakop.

³Ang dagat ay tumingin at tumakas, ang Jordan ay umatras.

⁴Ang mga bundok ay nagsiluksong mga tupang lalaki ang kagaya, ang mga burol na parang mga batang tupa.

⁵Anong karamdaman mo, O dagat, upang tumakas ka? O Jordan, upang umurong ka?

⁶O mga bundok, na kayo'y nagsisiluksong mga tupang lalaki ang kagaya? O mga burol, na parang mga batang tupa?

⁷Mayanig ka, O lupa, sa harapan ng PANGINOON, sa harapan ng Diyos ni Jacob;

⁸na ginawang tipunan ng tubig ang malaking bato, na bukal ng tubig ang hasaang bato.