Read Ang Biblia, 2001 Mga Awit 120 Bible Online

Mga Awit 120 - Ang Biblia, 2001 bible

Mga Awit 120

¹Sa aking kahirapan ay sa PANGINOON ako dumaing, at sinagot niya ako.

²“O PANGINOON, sa mga sinungaling na labi ay iligtas mo ako, mula sa dilang mandaraya.”

³Anong ibibigay sa iyo, at ano pa ang sa iyo ay magagawa, ikaw na mandarayang dila?

⁴Matalas na palaso ng mandirigma, na may nag-aapoy na baga ng enebro!

⁵Kahabag-habag ako na sa Mesech ay nakikipamayan, na sa mga tolda ng Kedar ay naninirahan.

⁶Matagal nang ang aking kaluluwa ay naninirahang kasama ng mga napopoot sa kapayapaan.

⁷Ako'y para sa kapayapaan; ngunit kapag ako'y nagsasalita, sila'y para sa pakikidigma!