Read Ang Biblia, 2001 Mga Awit 125 Bible Online

Mga Awit 125 - Ang Biblia, 2001 bible

Mga Awit 125

¹Ang mga nagtitiwala sa PANGINOON ay gaya ng bundok ng Zion, na hindi makikilos kundi nananatili sa buong panahon.

²Kung paanong ang mga bundok ay nakapalibot sa Jerusalem, gayon ang PANGINOON ay nakapalibot sa kanyang bayan, mula sa panahong ito at magpakailanman.

³Sapagkat ang setro ng kasamaan ay hindi mananatili sa lupaing iniukol sa mga matuwid; upang hindi iunat ng mga matuwid ang kanilang mga kamay sa paggawa ng masama.

⁴Gawan mo ng mabuti ang mabubuti, O PANGINOON, at ang matutuwid sa kanilang mga puso.

⁵Ngunit ang mga lumilihis sa kanilang masasamang lakad, ay itataboy ng PANGINOON na kasama ng mga manggagawa ng kasamaan. Dumating nawa ang kapayapaan sa Israel!