Read Ang Biblia, 2001 Mga Awit 127 Bible Online

Mga Awit 127 - Ang Biblia, 2001 bible

Mga Awit 127

¹Malibang ang PANGINOON ang magtayo ng bahay, ang mga nagtatayo nito ay walang kabuluhang nagpapagod. Malibang ang PANGINOON ang magbantay sa lunsod, ang bantay ay nagpupuyat nang walang kabuluhan.

²Walang kabuluhan na kayo'y bumabangon nang maaga, at malalim na ang gabi kung magpahinga, na kumakain ng tinapay ng mga pagpapagal; sapagkat binibigyan niya ng tulog ang kanyang minamahal.

³Narito, ang mga anak ay pamanang sa PANGINOON nagmula, ang bunga ng sinapupunan ay isang gantimpala.

⁴Gaya ng mga palaso sa kamay ng mandirigma, ay ang mga anak sa panahon ng pagkabata.

⁵Maligaya ang lalaki na ang kanyang lalagyan ng pana ay punô ng mga iyon! Siya'y hindi mapapahiya, kapag siya'y nakipag-usap sa kanyang mga kaaway sa pintuang-bayan.