Read Ang Biblia, 2001 Mga Awit 129 Bible Online

Mga Awit 129 - Ang Biblia, 2001 bible

Mga Awit 129

¹“Madalas nila akong saktan mula sa aking kabataan,” sabihin ngayon ng Israel —

²“Madalas nila akong saktan mula sa aking kabataan, gayunma'y laban sa akin ay hindi sila nagtagumpay.

³Inararo ng mga mag-aararo ang likod ko; kanilang pinahaba ang mga tudling nila.”

⁴Matuwid ang PANGINOON; ang mga panali ng masama ay kanyang pinutol.

⁵Lahat nawa ng napopoot sa Zion, ay mapahiya at mapaurong!

⁶Maging gaya nawa sila ng damo sa mga bubungan, na natutuyo bago pa ito tumubo man,

⁷sa mga ito'y hindi pinupuno ng manggagapas ang kanyang kamay, ni ng nagtatali ng mga bigkis ang kanyang kandungan.

⁸Hindi rin sinasabi ng mga nagdaraan, “Ang pagpapala nawa ng PANGINOON ay sumainyo! Sa pangalan ng PANGINOON ay binabasbasan namin kayo!”