Read Ang Biblia, 2001 Mga Awit 13 Bible Online

Mga Awit 13 - Ang Biblia, 2001 bible

Mga Awit 13

¹O PANGINOON, hanggang kailan? Kalilimutan mo ba ako magpakailanman? Hanggang kailan mo ikukubli ang iyong mukha sa akin?

²Hanggang kailan ako kukuha ng payo sa aking kaluluwa, at magkaroon ng kalungkutan sa aking puso buong araw? Hanggang kailan magtatagumpay ang aking kaaway laban sa akin?

³O PANGINOON kong Diyos, bigyang-pansin at sagutin mo ako, ang aking mga mata'y paliwanagin mo, baka sa kamatayan matulog ako;

⁴baka sabihin ng aking kaaway, “Laban sa kanya, ako'y nagtagumpay;” sapagkat ako'y nayayanig; baka magalak ang aking kaaway.

⁵Ngunit ako'y nagtiwala sa tapat mong paglingap, sa iyong pagliligtas, puso ko'y magagalak.

⁶Ako'y aawit sa PANGINOON, sapagkat ako'y pinakitunguhan niya na may kasaganaan.