Read Ang Biblia, 2001 Mga Awit 137 Bible Online

Mga Awit 137 - Ang Biblia, 2001 bible

Mga Awit 137

¹Sa tabi ng mga ilog ng Babilonia, doon tayo'y naupo at umiyak; nang ang Zion ay ating maalala;

²sa mga punong sauce sa gitna nito, ating ibinitin ang mga alpa natin doon.

³Sapagkat doo'y ang mga bumihag sa atin ay humingi sa atin ng mga awitin, at tayo'y hiningan ng katuwaan ng mga nagpahirap sa atin doon: “Awitin ninyo sa amin ang isa sa mga awit ng Zion.”

⁴Paano namin aawitin ang awit ng PANGINOON sa isang lupaing banyaga?

⁵O Jerusalem, kung kita'y kalimutan, makalimot nawa ang aking kanang kamay!

⁶Dumikit nawa ang aking dila sa aking ngalangala, kung hindi kita maalala, kung ang Jerusalem ay hindi ko ilagay sa ibabaw ng aking pinakamataas na kagalakan!

⁷Alalahanin mo, O PANGINOON, laban sa mga anak ni Edom ang araw ng Jerusalem, kung paanong sinabi nila, “Ibuwal, ibuwal!” Hanggang sa kanyang saligan!

⁸O anak na babae ng Babilonia, ikaw na mangwawasak! Magiging mapalad siya na gumaganti sa iyo ng kabayaran na siyang ibinayad mo sa amin!

⁹Magiging mapalad siya na kukuha sa iyong mga musmos, at sa malaking bato sila'y sasalpok.