Read Ang Biblia, 2001 Mga Awit 46 Bible Online

Mga Awit 46 - Ang Biblia, 2001 bible

Mga Awit 46

¹Ang Diyos ay ating kanlungan at kalakasan, isang handang saklolo sa kabagabagan.

²Kaya't hindi tayo matatakot bagaman mabago ang lupa, bagaman ang mga bundok ay madulas sa puso ng dagat.

³bagaman ang tubig nito ay bumula at humugong, bagaman ang mga bundok ay mauga dahil sa unos niyon. (Selah)

⁴May isang ilog na ang mga agos ay nagpapasaya sa lunsod ng Diyos, ang banal na tahanan ng Kataas-taasan.

⁵Ang Diyos ay nasa gitna niya; siya'y hindi makikilos; tutulungan siyang maaga ng Diyos.

⁶Ang mga bansa ay nagkagulo, ang mga kaharian ay nagpasuray-suray, binigkas niya ang kanyang tinig, ang lupa ay natunaw.

⁷Ang PANGINOON ng mga hukbo ay kasama natin, ang Diyos ni Jacob ay kanlungan natin. (Selah)

⁸Pumarito kayo, inyong masdan ang sa PANGINOONG gawa, kung paanong gumawa siya ng pagwasak sa lupa.

⁹Kanyang pinahinto ang mga digmaan hanggang sa mga dulo ng lupa; kanyang pinuputol ang sibat at binabali ang pana, kanyang sinusunog ng apoy ang mga karwahe![1]

¹⁰“Kayo ay magsitigil at kilalanin ninyo na ako ang Diyos. Ako'y mamumuno sa mga bansa, ako'y mamumuno sa lupa.”

¹¹Ang PANGINOON ng mga hukbo ay kasama natin; ang Diyos ni Jacob ay kanlungan natin. (Selah)