Read Ang Biblia, 2001 Mga Awit 67 Bible Online

Mga Awit 67 - Ang Biblia, 2001 bible

Mga Awit 67

¹Ang Diyos nawa'y mahabag sa atin at tayo'y pagpalain, at pagliwanagin nawa niya ang kanyang mukha sa atin, (Selah)

²upang ang iyong daan ay malaman sa lupa, ang iyong pagliligtas sa lahat ng mga bansa.

³Purihin ka nawa ng mga bayan, O Diyos; purihin ka nawa ng lahat ng mga bayan!

⁴Ang mga bansa nawa'y magalak at umawit sa kagalakan, sapagkat iyong hahatulan na may katarungan ang mga bayan, at ang mga bansa sa lupa ay papatnubayan. (Selah)

⁵Purihin ka nawa ng mga bayan, O Diyos; purihin ka nawa ng lahat ng mga bayan.

⁶Nagbigay ng kanyang bunga ang lupa; ang Diyos, ang ating Diyos, sa atin ay nagpala;

⁷Ang Diyos ang sa amin ay nagpala; matakot sa kanya ang lahat ng mga dulo ng lupa!