Read Ang Biblia, 2001 Mga Awit 87 Bible Online

Mga Awit 87 - Ang Biblia, 2001 bible

Mga Awit 87

¹Ang kanyang saligan ay nasa mga banal na bundok,

²minamahal ng PANGINOON ang sa Zion na mga pintuan, higit kaysa lahat ng kay Jacob na tahanan.

³Maluluwalhating bagay ang ibinabalita tungkol sa iyo, O lunsod ng Diyos. (Selah)

⁴Kabilang sa mga nakakakilala sa akin ay binabanggit ko si Rahab at ang Babilonia, narito, ang Filistia at Tiro, kasama ng Etiopia — “Ang isang ito ay ipinanganak doon.”

⁵At tungkol sa Zion ay sasabihin, “Ang isang ito at ang isang iyon ay ipinanganak sa kanya;” sapagkat mismong ang Kataas-taasan ang magtatatag sa kanya.

⁶Ang PANGINOON ay magbibilang habang kanyang itinatala ang mga bayan, “Ang isang ito ay ipinanganak doon.” (Selah)

⁷Ang mga mang-aawit at mananayaw ay kapwa nagsasabi, “Lahat ng aking mga bukal ay nasa iyo.”