Read Ang Biblia, 2001 Jeremias 45 Bible Online

Jeremias 45 - Ang Biblia, 2001 bible

Jeremias 45

¹Ang salita na sinabi ni propeta Jeremias kay Baruc na anak ni Nerias, nang sulatin niya ang mga salitang ito sa isang aklat mula sa bibig ni Jeremias, nang ikaapat na taon ni Jehoiakim na anak ni Josias, hari ng Juda, na sinasabi,

²“Ganito ang sabi ng PANGINOON, ng Diyos ng Israel, sa iyo, O Baruc:

³Iyong sinabi, ‘Kahabag-habag ako! Sapagkat ang PANGINOON ay nagdagdag ng kalungkutan sa aking sakit; ako'y pagod na sa pagdaing, at wala akong kapahingahan.’

⁴Ganito ang sasabihin mo sa kanya, Ganito ang sabi ng PANGINOON: Narito, ang aking itinayo ay aking ibinabagsak, at ang aking itinanim ay aking bubunutin, ito'y ang buong lupain.

⁵At ikaw, naghahanap ka ba ng mga dakilang bagay para sa iyong sarili? Huwag mo nang hanapin ang mga iyon, sapagkat, narito, ako'y magdadala ng kasamaan sa lahat ng laman, sabi ng PANGINOON; ngunit ibibigay ko ang iyong buhay bilang gantimpala ng digmaan sa lahat ng dakong iyong pupuntahan.”