Read Ang Biblia, 2001 Josue 12 Bible Online

Josue 12 - Ang Biblia, 2001 bible

Josue 12

¹Ang mga ito ang mga hari sa lupain na pinatay ng mga anak ni Israel, at inangkin ang kanilang lupain sa kabila ng Jordan sa dakong sinisikatan ng araw mula sa libis ng Arnon hanggang sa bundok ng Hermon, at ang buong Araba na dakong silangan:

²si Sihon na hari ng mga Amoreo, na nakatira sa Hesbon at namuno mula sa Aroer, na nasa tabi ng libis ng Arnon at ang gitna ng libis, at ang kalahati ng Gilead, hanggang sa ilog Jaboc na hangganan ng mga anak ni Ammon;

³at ang Araba hanggang sa dagat ng Cinerot patungong silangan, at sa dakong Bet-jesimot hanggang sa dagat ng Araba, sa Dagat na Alat, patungong timog sa paanan ng mga libis ng Pisga;

⁴at ang hangganan ni Og na hari sa Basan, sa nalabi sa mga Refaim na nakatira sa Astarot at sa Edrei,

⁵at namuno sa bundok ng Hermon, at sa Saleca, at sa buong Basan, hanggang sa hangganan ng mga Geshureo at ng mga Maacatita, at ng kalahati ng Gilead, na hangganan ni Sihon na hari sa Hesbon.

⁶Pinatay sila ni Moises na lingkod ng PANGINOON at ng mga anak ni Israel; at ibinigay ni Moises na lingkod ng PANGINOON na pag-aari ng mga Rubenita, at sa mga Gadita, at sa kalahating lipi ni Manases.

⁷Ang mga ito'y ang mga hari ng lupain na tinalo ni Josue at ng mga anak ni Israel sa kabila ng Jordan na dakong kanluran, mula sa Baal-gad na libis ng Lebanon hanggang sa bundok ng Halak, na paahon sa Seir (at ibinigay ni Josue na pag-aari sa mga lipi ng Israel ayon sa kanilang pagkakabaha-bahagi;

⁸sa lupaing maburol, at sa mababang lupain, at sa Araba, at sa mga libis, at sa ilang, at sa Timog; ang lupain ng mga Heteo, ang Amoreo, at ang Cananeo, ang Perezeo, ang Heveo, at ang Jebuseo);

⁹ang hari ng Jerico, isa; ang hari sa Ai na nasa tabi ng Bethel, isa;

¹⁰ang hari ng Jerusalem, isa; ang hari ng Hebron, isa;

¹¹ang hari ng Jarmut, isa; ang hari ng Lakish, isa;

¹²ang hari ng Eglon, isa; ang hari ng Gezer, isa;

¹³ang hari ng Debir, isa; ang hari ng Geder, isa;

¹⁴ang hari ng Horma, isa; ang hari ng Arad, isa;

¹⁵ang hari ng Libna, isa; ang hari ng Adullam, isa;

¹⁶ang hari ng Makeda, isa; ang hari ng Bethel, isa;

¹⁷ang hari ng Tapua, isa; ang hari ng Hefer, isa;

¹⁸ang hari ng Afec, isa; ang hari ng Lasaron, isa;

¹⁹ang hari ng Madon, isa; ang hari ng Hazor, isa;

²⁰ang hari ng Simron-meron, isa; ang hari ng Acsaf, isa;

²¹ang hari ng Taanac, isa; ang hari ng Megido, isa;

²²ang hari ng Kedes, isa; ang hari ng Jokneam sa Carmel, isa;

²³ang hari ng Dor sa kaitaasan ng Dor, isa; ang hari ng mga bansa sa Gilgal, isa;

²⁴ang hari ng Tirsa, isa; lahat ng mga hari ay tatlumpu't isa.