Read Ang Bagong Ang Biblia Psalms 1 Bible Online

Psalms 1 - Ang Bagong Ang Biblia bible

Psalms 1

¹ Mapalad ang taong hindi lumalakad sa payo ng masama, ni tumatayo man sa daan ng mga makasalanan, ni umuupo man sa upuan ng mga manunuya;

² kundi nasa kautusan ng PANGINOON ang kanyang kagalakan, at nagbubulay-bulay araw at gabi sa kanyang kautusan.

³ Siya ay gaya ng isang punungkahoy na itinanim sa tabi ng agos ng tubig, na nagbubunga sa kanyang kapanahunan, ang kanyang dahon nama'y hindi nalalanta, sa lahat ng kanyang ginagawa ay nagtatagumpay siya.

⁴ Ang masama ay hindi gayon; kundi parang ipang itinataboy ng hangin.

⁵ Kaya't ang masama ay hindi tatayo sa hukuman, ni sa kapulungan ng matuwid ang makasalanan;

⁶ sapagkat ang lakad ng matuwid ang PANGINOON ang nakakaalam, ngunit mapapahamak ang lakad ng makasalanan.