Read Ang Bagong Ang Biblia Psalms 11 Bible Online

Psalms 11 - Ang Bagong Ang Biblia bible

Psalms 11

¹ Sa PANGINOON ay nanganganlong ako; paanong sa akin ay nasasabi mo, "Tumakas ka na gaya ng ibon sa mga bundok;

² sapagkat binalantok ng masama ang pana, iniakma na nila ang kanilang palaso sa bagting, upang ipana sa kadiliman sa may matuwid na puso,

³ kung ang mga saligan ay masira, matuwid ba'y may magagawa?"

⁴ Ang PANGINOON ay nasa kanyang banal na templo, ang trono ng PANGINOON ay nasa langit; ang kanyang mga mata ay nagmamasid, ang mga talukap ng kanyang mata ay sumusubok sa mga anak ng mga tao.

⁵ Sinusubok ng PANGINOON ang matuwid at ang masama, at kinapopootan ng kanyang kaluluwa ang nagmamahal sa karahasan.

⁶ Sa masama ay magpapaulan siya ng mga baga ng apoy; apoy at asupre at hanging nakakapaso ang magiging bahagi ng kanilang saro.

⁷ Sapagkat ang PANGINOON ay matuwid; minamahal niya ang mga gawang matuwid; ang kanyang mukha ay mamamasdan ng matuwid.