Read Ang Bagong Ang Biblia Psalms 112 Bible Online

Psalms 112 - Ang Bagong Ang Biblia bible

Psalms 112

¹ Purihin ang PANGINOON! Mapalad ang tao na natatakot sa PANGINOON, na lubos na nagagalak sa kanyang mga utos!

² Ang kanyang mga binhi ay magiging makapangyarihan sa lupa; ang salinlahi ng matuwid ay magiging mapalad.

³ Nasa kanyang bahay ang mga kayamanan at kariwasaan; at ang kanyang katuwiran ay nananatili magpakailanman.

⁴ Ang liwanag ay bumabangon sa kadiliman para sa matuwid, ang PANGINOON ay mapagbiyaya at mahabagin at matuwid.

⁵ Ito ay mabuti sa taong mapagbigay at nagpapahiram, pananatilihin niya ang kanyang layunin sa katarungan.

⁶ Sapagkat siya'y hindi makikilos magpakailanman; ang matuwid ay maaalala magpakailanman.

⁷ Siya'y hindi matatakot sa masasamang balita; ang kanyang puso ay matatag, na sa PANGINOON ay nagtitiwala.

⁸ Ang kanyang puso ay matatag, hindi siya matatakot, hanggang ang nais niya sa kanyang mga kaaway ay makita niya.

⁹ Siya'y nagpamudmod, siya ay nagbigay sa dukha; ang kanyang katuwiran ay nananatili magpakailanman; ang kanyang sungay ay mataas sa karangalan.

¹⁰ Makikita ito ng masama at magagalit; pagngangalitin niya ang kanyang mga ngipin at matutunaw; ang nasa ng masama ay mapapahamak.