Read Ang Bagong Ang Biblia Psalms 113 Bible Online

Psalms 113 - Ang Bagong Ang Biblia bible

Psalms 113

¹ Purihin ang PANGINOON! Purihin ninyo, O mga lingkod ng PANGINOON, purihin ang pangalan ng PANGINOON!

² Purihin ang pangalan ng PANGINOON mula sa panahong ito at magpakailanman.

³ Mula sa pagsikat ng araw hanggang sa paglubog nito, ang pangalan ng PANGINOON ay dapat purihin!

⁴ Ang PANGINOON ay higit na mataas sa lahat ng mga bansa, at ang kanyang kaluwalhatian sa itaas ng kalangitan.

⁵ Sino ang gaya ng PANGINOON nating Diyos, na nakaupo sa itaas,

⁶ na nagpapakababang tumitingin sa kalangitan at sa lupa?

⁷ Ibinabangon niya ang dukha mula sa alabok, at itinataas ang nangangailangan mula, sa bunton ng abo,

⁸ upang kasama ng mga pinuno ay paupuin sila, mga pinuno ng kanyang bayan ang kanilang kasama.

⁹ Ginagawa niyang manatili sa bahay ang baog na babae, isang masayang ina ng mga anak. Purihin ang PANGINOON!