Read Ang Bagong Ang Biblia Psalms 122 Bible Online

Psalms 122 - Ang Bagong Ang Biblia bible

Psalms 122

¹ Ako'y natuwa nang kanilang sabihin sa akin, "Tayo na sa bahay ng PANGINOON!"

² Ang mga paa natin ay nakatayo sa loob ng iyong mga pintuan, O Jerusalem;

³ Jerusalem, na natayo na parang lunsod na siksikan;

⁴ na inaahon ng mga lipi, ng mga lipi ng PANGINOON, gaya ng iniutos para sa Israel, upang magpasalamat sa pangalan ng PANGINOON.

⁵ Doo'y inilagay ang mga trono para sa paghatol, ang mga trono ng sambahayan ni David.

⁶ Idalangin ninyo ang sa Jerusalem na kapayapaan! "Guminhawa nawa silang sa iyo ay nagmamahal!

⁷ Magkaroon nawa sa loob ng inyong mga pader ng kapayapaan, at sa loob ng iyong mga tore ay katiwasayan!"

⁸ Alang-alang sa aking mga kapatid at mga kaibigan, aking sasabihin, "Sumainyo ang kapayapaan."

⁹ Alang-alang sa bahay ng PANGINOON nating Diyos, hahanapin ko ang iyong ikabubuti.