Read Ang Bagong Ang Biblia Psalms 124 Bible Online

Psalms 124 - Ang Bagong Ang Biblia bible

Psalms 124

¹ Kung hindi ang PANGINOON ang naging nasa ating panig, sabihin ngayon ng Israel —

² kung Hindi ang PANGINOON ang naging nasa panig natin, nang ang mga tao ay magsibangon laban sa atin,

³ nilamon na sana nila tayong buhay, nang ang kanilang galit ay mag-alab laban sa atin;

⁴ tinabunan na sana tayo ng baha, dinaanan na sana ng agos ang ating kaluluwa;

⁵ dinaanan na sana ng nagngangalit na mga tubig ang ating kaluluwa;

⁶ Purihin ang PANGINOON, na hindi tayo ibinigay bilang biktima sa kanilang mga ngipin!

⁷ Parang ibon sa bitag ng mga manghuhuli na ang ating kaluluwa ay nakatakas, ang bitag ay nasira, at tayo ay nakatakas!

⁸ Ang saklolo natin ay nasa pangalan ng PANGINOON, na siyang lumikha ng langit at lupa.