Read Ang Bagong Ang Biblia Psalms 130 Bible Online

Psalms 130 - Ang Bagong Ang Biblia bible

Psalms 130

¹ Mula sa kalaliman, O PANGINOON, ako sa iyo'y dumaing!

² Panginoon, tinig ko'y pakinggan! Mga pandinig mo'y makinig sa tinig ng aking mga karaingan!

³ Kung ikaw, PANGINOON, ay magtatala ng mga kasamaan, O Panginoon, sino kayang makakatagal?

⁴ Ngunit sa iyo'y may kapatawaran, upang ikaw ay katakutan.

⁵ Ako'y naghihintay sa PANGINOON, naghihintay ang aking kaluluwa, at sa kanyang salita ako ay umaasa;

⁶ sa PANGINOON ay naghihintay ang aking kaluluwa, higit pa kaysa bantay sa umaga; tunay na higit pa kaysa bantay sa umaga.

⁷ O Israel, umasa ka sa PANGINOON! Sapagkat sa PANGINOON ay may tapat na pagmamahal, at sa kanya ay may saganang katubusan.

⁸ Ang Israel ay tutubusin niya, mula sa lahat niyang pagkakasala.