Read Ang Bagong Ang Biblia Psalms 138 Bible Online

Psalms 138 - Ang Bagong Ang Biblia bible

Psalms 138

¹ Ako'y nagpapasalamat sa iyo, O PANGINOON, ng aking buong puso; sa harapan ng mga diyos ay aawit ako ng mga papuri sa iyo.

² Ako'y yuyukod paharap sa iyong banal na templo, at magpapasalamat sa iyong pangalan dahil sa iyong tapat na pag-ibig at katapatan, sapagkat iyong pinadakila ang iyong salita sa iyong buong pangalan.

³ Nang araw na ako'y tumawag ay sinagot mo ako, iyong pinatapang ako ng kalakasan sa aking kaluluwa.

⁴ Lahat ng mga hari sa lupa ay magpupuri sa iyo, O PANGINOON, sapagkat kanilang narinig ang mga salita ng iyong bibig;

⁵ at sila'y magsisiawit tungkol sa mga pamamaraan ng PANGINOON; sapagkat dakila ang kaluwalhatian ng PANGINOON.

⁶ Bagaman ang PANGINOON ay mataas, kanyang pinapahalagahan ang mababa; ngunit ang palalo ay nakikilala niya mula sa malayo.

⁷ Bagaman ako'y lumalakad sa gitna ng kaguluhan, ako'y iyong muling bubuhayin, iyong iniuunat ang iyong kamay laban sa poot ng aking mga kaaway, at ililigtas ako ng iyong kanang kamay.

⁸ Tutuparin ng PANGINOON ang kanyang layunin para sa akin; ang iyong tapat na pag-ibig, O PANGINOON, ay magpakailanman. Huwag mong pabayaan ang mga gawa ng iyong mga kamay.