Read Ang Bagong Ang Biblia Psalms 14 Bible Online

Psalms 14 - Ang Bagong Ang Biblia bible

Psalms 14

¹ Sinasabi ng hangal sa kanyang puso, "Walang Diyos." Sila'y masasama, sila'y gumagawa ng kasuklam-suklam na mga gawa; walang gumagawa ng mabuti.

² Ang PANGINOON ay nakadungaw mula sa langit sa mga anak ng mga tao, upang tingnan kung may sinumang kumikilos na may talino, na hinahanap ang Diyos.

³ Silang lahat ay naligaw, sila ay pare-parehong naging masasama; walang sinumang gumagawa ng mabuti, wala kahit isa.

⁴ Hindi ba alam ng lahat ng gumagawa ng kasamaan, na siyang kumakain sa aking bayan gaya ng kanilang pagkain ng tinapay, at hindi tumatawag sa PANGINOON?

⁵ Sa malaking pagkasindak sila'y malalagay, sapagkat ang Diyos ay kasama ng salinlahi ng mga banal.

⁶ Ang panukala ng dukha sa kahihiyan ay ilalagay mo, ngunit ang PANGINOON ang kanyang saklolo.

⁷ Ang pagliligtas para sa Israel ay manggaling nawa mula sa Zion! Kapag ang kayamanan ng kanyang bayan ay ibinalik ng PANGINOON, magagalak si Jacob, at matutuwa ang Israel.