Read Ang Bagong Ang Biblia Psalms 142 Bible Online

Psalms 142 - Ang Bagong Ang Biblia bible

Psalms 142

¹ Ako'y dumadaing ng aking tinig sa PANGINOON; sa pamamagitan ng aking tinig ay sumasamo ako sa PANGINOON.

² Ibinubuhos ko sa kanyang harapan ang aking daing, sinasabi ko sa kanyang harapan ang aking suliranin.

³ Kapag ang aking espiritu'y nanlulupaypay sa loob ko, ang aking landas ay iyong nalalaman! Sa daan na aking tinatahak sila'y nagkubli para sa akin ng isang bitag.

⁴ Tumingin ka sa kanan, at iyong masdan, walang nakakapansin sa aking sinuman; walang kanlungang nalalabi para sa akin; walang sinumang lumilingap sa aking kaluluwa.

⁵ Ako'y dumaing sa iyo, O PANGINOON; aking sinabi, "Ikaw ang aking kanlungan, ang aking bahagi sa lupain ng mga buhay."

⁶ Pakinggan mo ang aking pagsamo, sapagkat ako'y dinalang napakababa. Iligtas mo ako sa mga nagsisiusig sa akin; sapagkat sila'y napakalakas para sa akin.

⁷ Ilabas mo ako sa bilangguan, upang ako'y makapagpasalamat sa iyong pangalan! Paliligiran ako ng mga matuwid; sapagkat ako'y pakikitunguhan mong may kasaganaan.