Read Ang Bagong Ang Biblia Psalms 149 Bible Online

Psalms 149 - Ang Bagong Ang Biblia bible

Psalms 149

¹ Purihin ang PANGINOON! Awitan ninyo ang PANGINOON ng isang bagong awit, ng papuri sa kanya sa kapulungan ng mga tapat!

² Magalak nawa ang Israel sa kanyang Lumikha, ang mga anak ng Zion sa kanilang Hari nawa'y matuwa!

³ Purihin nila ng may pagsasayaw ang pangalan niya, na umaawit sa kanya na may pandereta at lira!

⁴ Sapagkat ang PANGINOON ay nalulugod sa kanyang bayan; kanyang pagagandahin ng kaligtasan ang mga nahihirapan.

⁵ Magsaya nawa ang mga tapat sa kaluwalhatian; umawit nawa sila sa kagalakan sa kanilang mga higaan.

⁶ Malagay nawa ang mataas na papuri sa Diyos sa kanilang lalamunan, at ang tabak na may dalawang talim sa kanilang kamay;

⁷ upang maggawad ng paghihiganti sa mga bansa, at ng kaparusahan sa mga bayan,

⁸ upang gapusin sa mga tanikala ang kanilang mga hari, at ang kanilang mga maharlika ng mga bakal na panali,

⁹ upang sa kanila'y ilapat ang hatol na nasusulat! Ito ay kaluwalhatian para sa lahat niyang mga tapat! Purihin ang PANGINOON!