Read Ang Bagong Ang Biblia Psalms 24 Bible Online

Psalms 24 - Ang Bagong Ang Biblia bible

Psalms 24

¹ Ang lupa ay sa PANGINOON at ang lahat ng narito; ang sanlibutan, at silang naninirahan dito;

² sapagkat itinatag niya ito sa ibabaw ng mga dagat, at itinayo sa ibabaw ng mga ilog.

³ Sinong aakyat sa bundok ng PANGINOON? At sinong tatayo sa kanyang dakong banal?

⁴ Siyang may malilinis na kamay at may pusong dalisay, na hindi nagtataas ng kanyang kaluluwa sa hindi totoo, at hindi sumusumpa na may panlilinlang.

⁵ Mula sa PANGINOON, pagpapala'y kanyang kakamtan, at pagwawalang-sala mula sa Diyos ng kanyang kaligtasan.

⁶ Gayon ang salinlahi ng mga nagsisihanap sa kanya, na nagsisihanap ng mukha ng Diyos ni Jacob. (Selah)

⁷ Itaas ninyo ang inyong mga ulo, O kayong mga tarangkahan! at kayo'y mataas, kayong matatandang pintuan! upang makapasok ang Hari ng kaluwalhatian.

⁸ Sino ang Hari ng kaluwalhatian? Ang PANGINOON, malakas at makapangyarihan, ang PANGINOON, makapangyarihan sa pakikipaglaban.

⁹ Itaas ninyo ang inyong mga ulo, O kayong mga tarangkahan! at itaas kayo, kayong matatandang pintuan! upang makapasok ang Hari ng kaluwalhatian.

¹⁰ Sino itong Hari ng kaluwalhatian? Ang PANGINOON ng mga hukbo, siya ang Hari ng kaluwalhatian! (Selah)