Read Ang Bagong Ang Biblia Psalms 26 Bible Online

Psalms 26 - Ang Bagong Ang Biblia bible

Psalms 26

¹ Pawalang-sala mo ako, O PANGINOON, sapagkat ako'y lumakad sa aking katapatan, at ako'y nagtiwala sa PANGINOON nang walang pag-aalinlangan.

² Siyasatin mo ako, O PANGINOON, at ako'y subukin, ang aking puso at isipan ay iyong suriin.

³ Sapagkat ang iyong tapat na pag-ibig ay nasa harapan ng aking mga mata, at ako'y lumalakad na may katapatan sa iyo.

⁴ Hindi ako umuupong kasama ng mga sinungaling na tao; ni sa mga mapagkunwari ay nakikisama ako.

⁵ Kinapopootan ko ang pangkat ng mga gumagawa ng kasamaan, at hindi ako uupong kasama ng tampalasan.

⁶ Hinuhugasan ko ang aking mga kamay sa kawalang-sala; at magtutungo ako, O PANGINOON, sa iyong dambana,

⁷ na umaawit nang malakas ng awit ng pasasalamat, at ang iyong kahanga-hangang mga gawa ay ibinabalitang lahat.

⁸ O PANGINOON, mahal ko ang bahay na iyong tinatahanan at ang dakong tinatahanan ng iyong kaluwalhatian.

⁹ Huwag mong kunin ang aking kaluluwa kasama ng mga makasalanan, ni ang aking buhay na kasama ng mga taong sa dugo ay uhaw,

¹⁰ mga taong masasamang gawa ang nasa kanilang mga kamay, na ang kanilang kanang kamay ay puno ng mga lagay.

¹¹ Ngunit sa ganang akin ay lalakad ako sa aking katapatan; tubusin mo ako, at kahabagan.

¹² Sa isang patag na lupa ang paa ko'y nakatuntong, sa malaking kapulungan ay pupurihin ko ang PANGINOON.