Read Ang Bagong Ang Biblia Psalms 29 Bible Online

Psalms 29 - Ang Bagong Ang Biblia bible

Psalms 29

¹ Mag-ukol kayo sa PANGINOON, O mga anak ng makapangyarihan, mag-ukol kayo sa PANGINOON ng kaluwalhatian at kalakasan.

² Iukol ninyo sa PANGINOON ang kaluwalhatian na nararapat sa kanyang pangalan; sambahin ninyo ang PANGINOON sa banal na kagayakan.

³ Ang tinig ng PANGINOON ay nasa ibabaw ng mga tubig; ang Diyos ng kaluwalhatian ay kumukulog, ang PANGINOON, sa ibabaw ng maraming tubig.

⁴ Ang tinig ng PANGINOON ay makapangyarihan, ang tinig ng PANGINOON ay puspos ng kadakilaan.

⁵ Ang tinig ng PANGINOON ay bumabali ng mga sedro; binabali ng PANGINOON ang mga sedro ng Lebanon.

⁶ Kanyang pinalulukso ang Lebanon na gaya ng guya, at ang Sirion na gaya ng mailap na guyang baka.

⁷ Ang tinig ng PANGINOON ay nagpapasiklab ng mga ningas ng apoy.

⁸ Niyayanig ng tinig ng PANGINOON ang ilang, niyayanig ng PANGINOON ang ilang ng Kadesh.

⁹ Pinaaanak ng tinig ng PANGINOON ang mga usa, at hinuhubaran ang mga gubat; at ang lahat sa kanyang templo ay nagsasabi, "Kaluwalhatian!"

¹⁰ Ang PANGINOON ay nakaupo sa trono sa ibabaw ng baha; ang PANGINOON ay nakaluklok bilang hari magpakailanman.

¹¹ Ang PANGINOON nawa ay magbigay ng lakas sa kanyang bayan! Basbasan nawa ng PANGINOON ang kanyang bayan ng kapayapaan!