Read Ang Bagong Ang Biblia Psalms 3 Bible Online

Psalms 3 - Ang Bagong Ang Biblia bible

Psalms 3

¹ PANGINOON, ang mga kaaway ko ay dumarami! Ang tumitindig laban sa akin ay marami;

² marami ang nagsasabi tungkol sa aking kaluluwa, walang tulong mula sa Diyos para sa kanya. (Selah)

³ Ngunit ikaw, O PANGINOON ay isang kalasag sa palibot ko, aking kaluwalhatian, at siyang tagapagtaas ng aking ulo.

⁴ Ako'y dumadaing nang malakas sa PANGINOON, at sinasagot niya ako mula sa kanyang banal na burol. (Selah)

⁵ Ako'y nahiga at natulog; ako'y muling gumising sapagkat inaalalayan ako ng PANGINOON.

⁶ Sa sampung libu-libong tao ako'y hindi natatakot, na naghanda ng kanilang mga sarili laban sa akin sa palibot.

⁷ Bumangon ka, O PANGINOON! Iligtas mo ako, O aking Diyos! Sapagkat iyong sinampal sa pisngi ang lahat ng aking mga kaaway, iyong binasag ang mga ngipin ng masama.

⁸ Ang pagliligtas ay sa PANGINOON; sumaiyong bayan nawa ang iyong pagpapala. (Selah)