Read Ang Bagong Ang Biblia Psalms 36 Bible Online

Psalms 36 - Ang Bagong Ang Biblia bible

Psalms 36

¹ Ang pagsuway ay nagsasalita ng malalim sa puso ng masama; walang pagkatakot sa Diyos sa kanyang mga mata.

² apagkat pinupuri niya ang sarili sa sarili niyang mga mata, na hindi matatagpuan at kasusuklaman ang kasamaan niya.

³ Ang mga salita ng kanyang bibig ay kasamaan at pandaraya, sa pagkilos na may katalinuhan at sa paggawa ng mabuti ay huminto na siya.

⁴ Siya'y nagbabalak ng kasamaan habang nasa kanyang higaan; inilalagay niya ang sarili sa hindi mabuting daan; ang kasamaan ay hindi niya pinakaiiwasan.

⁵ Ang iyong tapat na pag-ibig, O PANGINOON, ay abot hanggang sa kalangitan, hanggang sa mga ulap ang iyong katapatan.

⁶ Gaya ng mga bundok hg Diyos ang iyong katuwiran, ang iyong mga kahatulan ay gaya ng dakilang kalaliman; O PANGINOON, inililigtas mo ang tao at hayop man.

⁷ Napakahalaga, O Diyos, ng iyong pag-ibig na tapat! Ang mga anak ng mga tao ay nanganganlong sa lilim ng iyong mga pakpak.

⁸ Sila'y nagpapakabusog sa kasaganaan ng iyong bahay; at binibigyan mo sila ng inumin mula sa ilog ng iyong kasiyahan.

⁹ Sapagkat nasa iyo ang bukal ng buhay; sa iyong ilaw nakakakita kami ng liwanag.

¹⁰ O ipagpatuloy mo ang iyong tapat na pag-ibig sa mga nakakakilala sa iyo, at ang iyong pagliligtas sa may matuwid na puso!

¹¹ Huwag nawang dumating sa akin ang paa ng kapalaluan, ni ng kamay ng masama ako'y ipagtabuyan.

¹² Doon ang mga gumagawa ng kasamaan ay nakasubsob, sila'y nakalugmok, at hindi na kayang bumangon.