Read Ang Bagong Ang Biblia Psalms 41 Bible Online

Psalms 41 - Ang Bagong Ang Biblia bible

Psalms 41

¹ Mapalad siya na nagbibigay-pansin sa dukha! Ililigtas siya ng PANGINOON sa araw na masama.

² Iniingatan siya ng PANGINOON at pinananatiling buhay siya'y tatawaging pinagpala sa lupain; hindi mo siya ibinigay sa kagustuhan ng kanyang mga kaaway.

³ Aalalayan siya ng PANGINOON sa kanyang higaan ng karamdaman, sa kanyang pagkakasakit ay iyong inaayos ang buo niyang higaan.

⁴ ungkol sa akin, aking sinabi, "O PANGINOON, sa akin ay maawa ka, pagalingin mo ako, sapagkat laban sa iyo, ako'y nagkasala!"

⁵ Ang mga kaaway ko ay nagsalita ng kasamaan laban sa akin, "Kailan siya mamamatay, at ang kanyang pangalan ay mapapawi rin?"

⁶ At nang siya'y pumarito upang tingnan ako, siya'y nagsasalita ng mga salitang walang laman, habang ang kanyang puso ay nagtitipon ng kasamaan, kapag siya'y lumabas, ipinamamalita niya ito.

⁷ Lahat ng napopoot sa akin ay nagbubulong-bulungan laban sa akin; kanilang iniisip ang pinakamasama para sa akin.

⁸ Kanilang sinasabi, "Isang masamang bagay ang ibinuhos sa kanya, hindi na siya muling babangon sa kanyang pagkahiga."

⁹ Maging ang matalik kong kaibigan na aking pinagtitiwalaan, na kumain ng aking tinapay, ay nagtaas ng kanyang sakong sapagkat sa akin ay laban.

¹⁰ Ngunit ikaw, O PANGINOON ko, maawa ka sa akin, at ibangon mo ako, upang sa kanila'y makaganti ako!

¹¹ Sa pamamagitan nito ay nalalaman ko na nalulugod ka sa akin, dahil sa ang aking kaaway ay hindi sisigaw sa pagtatagumpay laban sa akin.

¹² At tungkol sa akin, inaalalayan mo ako sa aking katapatan, at inilalagay mo ako sa iyong harapan magpakailanman.

¹³ Purihin ang PANGINOON, ang Diyos ng Israel, mula sa walang pasimula at hanggang sa walang hanggan. Amen at Amen.